Kalay Myo Khuachung Kahdoh nak achuak

Kalay  Myo i hlan deuh I hmuntha khau tiah an rak auh mi chungah nihin April 9, 2022 zinglei sml 10 hrawn khan ralhrang hna le mipi kilveng tu phu hna karlak ah kahdoh nak achuak. Cun thuangphila lei in ralhrang hna nih khua chung lei ah hriamngan in voi 2 tiang an kah tiah theih asi. Khuami pakhat nih achim ningah cun atu tan I hriam ngan an kah mi hi voidang nak in athawng thang deuh, kahna khaw apa hnih in afak dih khoikaa zawn dah atlak ti tu cu ka thei lo nain lam hla ah cun atla lo hrimhrim tiah achim.

Ni zan April 8, 2022 muih lai hrawng khan kahdoh nak hram hi an thawk cang bomb thawng le Meithei thawng hi sau lak tei theih asi. Khuami cheukhat zong ahim deuh tiah an ruah nak hmumah an zam hna I, zan sml, 9 tiang ah khan mi, meithal thawng le bomb thawng cu apikpak in theih asi rih tiah khuami hna sin in theih asi. Rf: Zalen

Cun CDF-Matupi le Council ralhraang an i kap i ralhraang 5 an thi, tampi hma an pu, Ralkap thazaang chap awk ah Kyaukhtu khua in Matupi lei ah a ra mi ralhraang hna le CDF-Matupi ralkap hna cu Matupi in meng 16 a hlatnak hmun ah an i kap tiah theih a si.

April 7, zinglei 6:40 thawk in suimilaam pakhat chung an i kahnak ah ralhraang panga an thi, tampi hma an pu tiah kan theih. CDF-Matupi lei in a thi mi le hmapu an um lo tiah CDF-Matupi nih an thanh. Matupi khua chung ralhraang camp pawl nih Matupi-Mindat lam Chanpian khua hlun lei hoih in hriamngan zawndamh in le pehtlai in an kah ti zong an thanhchih