Kalay Pasal Ttha An Ti Mipa Muang Arkar Thu Aung Kum(23) Cu Kalay Myo Ah Vui A Si Cang.

Kalay Myo Pasal ttha Muang Arkar Thu Aung Kum (23) ruak cu, kalaymyo leiah vui a si cang.Amah hi April ni 7,cacawn nithum ah khan kawl ralhrang Uico hna nih meithal in an kah i, a nunnak a rak liam mi asi i, nithaizing suimilam 8: 00am ah khan Uico ralhrang hna nih a chung le sinah an pek hna tiah theih asi.

A thih nak konglam he peh tlaih in,ralhrang hna nih, meithal in an kahnak ah hin a taksa chungah,meithal kuan tamtuk a lut tiah an chim.An vui nak ah hin, Kalay myo lei mipi tamtuk nih an thlah i, salute (salam ) an pek ti si.

Ralhrang hna nih hin,kalay Myo le a pongkam hrawng ah hin minung 18 an tlaih hna i, mipi hna cu, Bomb le meithal in ankah thluahmah ko hna tiah theih asi.meithal kahnak ruang ah hin minung 12 nunnak a liam tiah kan theih. cun minung 3 hna cu, lam an kal lio bak ah kah an si tiah an chim.

Kalay myo le Tahan hrawng i buainak hi,a faktuk ko cang.sihmanhsehlaw,mipi lei le mino hna thinhun nak cu,a zual chinchin ve cang tikah ,hmai leiah zei dah an lawh te lai ti cu ruah ngam zawng si ti lo.

Credit : Tahna Post

Be the first to comment

Leave a Reply

Your email address will not be published.


*