Kalay PDF Nih Sakhan La Tu Ralhrang Motor Bomb voi 12 Tiang An Puah Hnawh Hna

Nov 21 chun sml. 1hrawng ah Gangaw myone Minkin sakhan in arakchuak mi SAC ralhrang pawl cu motor pa 5 hna cu CDF Kalay battalion 5 le YDF Gangaw I bawm in Khutkhu khua pawng ah Bomb pa 12 tiang an puah hnawh hna I SAC ralhrang lei  motor pa 2 ahrawh. Ralhrang lei hi a thi mi adikhliar in azat chim khawh an si rih lo. Mipi vengtu phu komh hna tu hi cu zei hmanh hliamhma pu lo in hlawhtling tein hnu an kir kho. Bomb puahhnaw mi ralhrang hna nih hin Soihpin khua inn pa 3 mei in an duah ta tiah theih asi.

Thawngpang bultan: Police sakhan pawng ah bomb rap an chiah mi nih Phungki pa hnih ahliam hna. Keypad phone ha aatlai mi bomb lamhla in control mi nih lam I aachawk mi phungki pa cu ahliam hna tiah khuami hna sin in theih asi. A puah hnawh mi hna lakah pakhat cu fak ngai in ahliam i, pakhat cu lungre thei ding asi lo tiah an chim. Hi bantuk in bomb apuah nak hmun cu Pyinkauh myoh ah asi I PDF hna nih an mah PDF tuah mi bomb asi lo ning le phungki ahliam mi raungah an lung that lo nak an lang ter.Kawl ralkap nih Kanpetlet lei a kal mi motor cung ah hriamnaam tlaih. Nizaan November 20, Mandalay in Chinram Kanpetlet lei ah a kal mi motor pakhat cu Kawl ralkap nih an chek i hriamnaam an tlaih. Hi motor hi Shwe-Yaw-Mann khualtlawng motor a si i Magway Ramthen, Pauk hrawng an phanh ah an tlaih hna, tiah PDF Channel nih a tial.

Sagain region chung in mipi kilveng tu ralkap hna sinah Kyauk Yit Sakhan in aum mi ralkap pakhat nih amah nih aaken mi meithal G3 le kuan 100 le kut cheh bomb pakhat he Nov 18 lio ah khan mipi sinah aafonh. Cu caah Young Fighters People Defense Force Of Myaung le phu danf i bawm in tangka ting 35 an pek tih YFPDFM sin in theih asi. Hi ralkap pa hi PDF phu 5 fonh nih tangka hi an pek mi asi i, hi hnu ah ahim nak hmun ah an chiah tiah theih asi.Hi kong ah hin Young Fighters People Defense Force Of Myaung, MSPDF, 27Revolution Force, 11 Brothers Revolution Forces le T.G.R. People Defense hna nih NUG cozah i mipi leiah atang mi min cazin ah kan khumh lai. Cun mipi lei ah dor le ttan aduhmi cu him tein rak i dor le ttan khawh peng asi tiah cathanh an chuah.

Ralhrang motor pakhat cu KNLA Battalion 1 nih bomb an puah hnawh, KNU nih uknak hmunhma arak lonh tu ralhrang motor hna cu KNLA battalion 1 nih bomb in anrak puah hnawh i ralhrang lei minung pa 3an thi i an  motor pakhat rawk tiah theih asi. Ralhrang pawl hi motor pakhat pa 2 te in an kal ngam ti lo, khoika an kal nak kip ah motor aruan ruan in an I zul cang hna atu KNLA nih bomb an puah hnawh mi hna zong hi motor, 38 an si hi chung ah hin motor 3 cu an rawk tiah theih asi.

Chin ram chung falam peng ah misual mi thalo (Damiah) mithil inn boauh le thilfir in avak mipa Cung Ro Sum cu ankhua pawl nih niathlai nak in November 8.2021 ahkhan tlaih in thong thlak mi asi. Hi pa hi khuate Falam pe khuate kip ah kal in mi inn boauh (Damiah tteih) le Nu hna tlaihhrem in avak i cu ruangah cun SAC ralhrang pawl nih an tlaih i thong ah an thlak i anchuah cangmi asi.Ralhrang pawl nih thongin an chuah hnu in lai meithal aa ken i avak than i ahlan nak in alet sual in acawlcang than cu caah an khua pawl nih, Chin ram chung ah bochan mi CNDF pawl sinah an report i atlaih. Cuhnu ah Cung Ro Sum cu CNDF pawl nih athil tuahmi hna le nu atlemhrem mi kong ah biahal nak fakpi in an ngeih.

Cu hnuah November 20.2021 ahkhan acung ah biakhiah nak an tuah bantuk in fakpi in dantat nak le hremnak an pek tiah theih asi. Hi hnu zongah Chinram chung le Chinram Kalay, Kabaw hna zongah mithifir damiah tteih le Nu tlaihhrem tibantuk in avak mi, acawlcang mi poah cu Chin Act( Chin phung ning in tawlrel an si lai tiah CNO/CNDF nih chim phuannak an ngei ve.Cung Ro Sum konglam, hi pahi khuachung ah um terduh ti mi pa asi, khuachung i buaibai nak achuahpi peng tu asi i, Inn kipah thilfir in avak peng mi asi, acancan ah lo ah ariak i zantim hrawngah inn ah atlun i khuami Ar, Meheh, Cycle, Meithal le Inn chung thilri ahmuh mi poah afir dih tu asi. Cun khuachung i mi tlamtling lo le hnachet hna kha hettiah atlerhkhon hna I atlaihhrem hna. Cu caah khuami nih Tibual police sakhan an report i an tlaih nain Ralhrang nih thongtla thlah mi ahkhan an thlah ve than.

Be the first to comment

Leave a Reply

Your email address will not be published.


*