Kalay PDF Sakhan Ah Ralhrang Nih Sii Sayamah An Tlaih Mi Hna Update

PDF Kalay tatyin 3 sakhan cu nawlngeih nak ari cang mi ralhrang hna nih Nov 16 zinglei sml.10 hrawng ah an luh hnawh I sii le ralkap nu 10 le pa 2 an rak tlaih hna. Kalay PDF tatyin 3 sakhan ah ralhrang hna an rak lut lio ah hin ralkap atam u hi ralram hmukhat I hmai an akal cuahmah lio asi I minung tlawm te lawng an sakhan ah hin an tang.

Sakhan an lak lio ah hin PDF kalay in minung pakhat nunnak aliam i minung 2 nih hliamhma an pu tiah theih asi nain ahnu ah Chin nusal tha Pasal tha minung pa 3 hna cu an ruak in an chiar than hna hi pa 3 hi ralhrang kut in athi mi an si. Cun atu tiang ah ralhrang nih an tlaih mi hna hi Anchungkhat hna he ton khawh zong an si rih lo i an ngan dam nak kong zong ah zeihmanh theih khawh asi rih lo tiah PDF Kalay in nawl ngei tu pakhat nih Irrawaddy sinah achim.Asi nain atu ah Kalay myo thonginn ah an phan tiah thawng theih asi nain ton le hmuh khawh an si rih lo, thilri, eidin pawl tu cu kuat angah an ti nain an dam le dam lo kong theih asi lo, thong inn chung an phan ti tiang hi theih asi tiah achim. Minung 9 an si i zeibantuk sualnak(cause) in sual an phawt hna lai le bia an ceih hna lai theih asi lo, minung 6 hi November 24 ah khan Kalaymyo thong an va phan cang I adang pa 3 hi Nov 28 ah an va chiah hna hi asi tiah PDF Kalay in bia chim tu pakhat nih cun achim chap.

Hi an tlaih mi hna Sii sayamah hna chung in kum 20 asi mi Lalmuankimi a u nu nih hin thong chung ah an phan cang ti mi hi khuami upa hna nih an kan chim hnu lawngah kan theih. Kan hnu zarteni ahkhan thong ah kan vakal I edin ding le aherhmi thildang cu thongtla ve mi midang sin in kan pek ter I, hliamhma he asi caah lungrethei asi ko tiah achim. Atu I tlaih atong mi hna Sii lei sayamah hna i Kum 30 tang mino lawngte an si. Rff; The Irrawaddy Burmese Edition

Kawl ralhrang Singkhat le Cheu (150,000) an um i an dihlak in thah dih khawh an si lai lo. Cucaah Kawl ralhrang hi zeitik hmanh ah kan tei kho lai lo caah ttha tein ton biaruahnak ngeih in remhnak ser ah a tha timi ca post pakhat hmuh bal a si.

A ngaingai tiah cun raldohnak hi aa thok rih lo. Atu hi cu ttek a tlak lai ah chitkhat a ceu hmasami nimtlau bantuk men lawng a si rih nain ralhrang pawl an awklok a chawng tuk cang si lo maw? Uknak thleng kan duh caah ral kan doh. Kan thisa nih mithah a hiar in a hiar caah ral kan dohmi a si lo caah hi zat te lawng an thi rih.Mipi he fonh a duhmi, mipi sin aa ap duhmi hna cohlan an si rih caah hi zat te lawng an thi rih. Raldohnak taktak cu a rauh hlan ah a ra lai. A dihdongh tiang i ngaihchit loin an sual rih ko ahcun singkhat le cheu (150,000) cu an tam lo dakaw.

PDF le EAOs dihlak kan i fonh ahcun singkhat le cheu lawng kan si lai lo. A rauh hlan ah hriamnam tling tein kan timhtuah lai i, uico ralkap pawl zeitindah an tuanbia a dih lai timi cu, Lai meithal menmen lawng hmanh nih zeitluk in an thi timi zohnak in theih khawh a si.Tei hrimhrim dingmi raldohnak a si i, zeihmanh phang ding a um lo. Kanmah lei in zeihmanh tonbiaruahnak ngeih le remnak ser a herh hrimhrim lo.Note: Kawlca in tial mi kha Aa tlak ning in leh chinmi a si i. credit: chin news agency

Be the first to comment

Leave a Reply

Your email address will not be published.