Kalay PDF Sii Sayamah An Tlaih Mihna Hmundang Ah Anthial Hna

Kalay PDF hna nih nihin kahdoh nak ah atu bantukin kahdohnak thawng anthanh, Kalay myo pawngkam in hmunhma ala mi Kalay PDF tatyin 3 sakhan ala tu ralhrang hna nih tuni Nov 18 khuadei ka teiah lampi kip ah hriam ngan kahpah in Nagapuah khua lei ah an I thial, hi lio ah hin PDF Kalay tatyin 3 chung in sii sayamah an tlaihmi pawl zong kha an kal pi hna tiah theih asi.

Tuzing sml. 10 hrawng thawk khan Kalay PDF hna nih Nagapuah khau i hmun akhuar mi ralhrang hna cu an luhhnawh hna i an va kah hna, i kahdoh nak hi aapeh cuahmah rih. Cun Kalay Medical college in hmunhma ala tu ralhrang hna zong nih Nagapuah lei ah hriamngan kah in an va bawmh ve hna tiah theih asi.

Cun Kalay lein ralhrang vabawmh dingah akal mi motor cu hna cu Chinsai khua pawng ah kahdohnak ngeih ding in an dir lio ah Kalay PDF nih bomb ready in an rak chiah cia mi 3 voikhat ah an puah i ralhrang hna hi minung 15 hrawng an thi lai tiah theih asi. Cun chun Sml.12 hrawng ah khan Chinsai khua cu ralhrang hna an lut i Inn an khangh.

Tlai mi hna he ahnu bik tiang aum mi nih an chim nak ah, Pa 2 le nu 10 an si andihlak minung 12 an si, social media i alang mi hmanthak ah atel lo mi nu 1 le pa2 hi athawng theih khawh asi rih lo. Kahdohnak hi aapeh cuahmah rih caah mipi hna himnak ding caah ralrin tein umkal aherh rih i atu zarhchung vialte cu Kalay Gangaw lampi ah aho hmanh kal rih lo dingin nawl nak an tuah.

Be the first to comment

Leave a Reply

Your email address will not be published.