Kan Dawt Kan Nau Kyaw Kyaw Thih Nak Kongkau Ah Lungput I Thleng Cang Hna Usih

Zahan nai kan nau kyaw kyaw thih kawngkauah Kyaw kyaw Nu le pa, U le nau le chaklei kan unau le hna nan lung a fak tuk ti ka theih tikah, nan mawh bakloh. Chun itlo le zan itlo in nan umlai tiah ka ruah. Minung kan nunnak cu a sunglawi tuk mi asi, mitthli kan tlakpi hna, nan lung fahnak hi kan theihthiampi tak tak hna. A pawikhun ko, Van Angel thlanei nih a thlarau rak dawng hna sehlaw, kan Pa Abraham kiangkap te ah um ko seh. A nu le pa, U le nau nan dihlak caah nan mitthli hnawttu caah Pathian sinah thlaza kan cam piak hna.

Pa le fa, U le nau, Nuva zawng i hmuhthiamlo caan a um tawn. Khua khat lai khat zawngah thihnak cu a tlung theu. I hmaichiat zawng a um theu. Nain, A ee tu umko hmanh sehlaw a Hnawttu umphung a si. Kyaw kyaw thihnak kawng i a lungfakmi nan dihlak cungah zaangfah kan nawlhna. Laifa le laifa, U le nau laihri ai tlai mi lung kan i fahter sual nakah, caan liamcia cu auh thran khawh a si ti lo, nan lungfah nak hi Khuazing Pathian nih nan thin Tikiik in tawih ko hna seh.

Laifa kan mah le kan mah heh tiah kan i thruat lengmangah hin kan pawngkam i miphun dang a um mi, tei an kan tim i, an kan thlanglamh tu, kha hlan i an kan tu an kan deng tawntu, an kan thrawl i ram lak i an kan riahter i Ti le rawl hmanh ei ngamlo i an kan tuahtu miphun hna nih an kan Nihsawh ngai cang hih. “Lai leh lai an nia han in khawih tehse”, tiah an kan cuanh ko. Miphun pi kan si, Mi phunpi lungput neiin kan lung i thleng cang hna usih.

Sangau lei kan nau le zawng hi thil hi Lung thlen tertu, lungfim chimtu ah cang seh. Remh an herh nakah i remh hna seh. Chaklei kan unau le zawng zaangfah nak tein nan lung i thleng ko sawh uh tiah zaangfah kan nawl hna. Chaklei kan unau le zawng Upa lungfim, mithiam fimchimtu tampi nan um, Kan nau le lungrawk mi remhtu dingah hmai van sa cang uh tiah kan nawl hna. A ee tu nih ee ko hmanh selaw A hnawttu kan um lailo maw?

Kha hlan i Mar pawl i Pawiho an kan ti, an kan thrawl, an kan tuk, an kan vuakvelh liauah khan Sangau cu Laimi kan khualipi pakhat a siruangah kan unau le mitthli hnawttu, Tirawl rak pe tu, Sangauah hawng ulaw tiah a rak au lengmang mi kan rak si ve. Kan palh nak tampi a umko lai. A palh mi cu A ngaithiamtu an um ve bangin Ngaihthiam kan herh nakah kan ngaithiam ko u. Zaangfah nak te in nan lungput thleng ko cang uh, a nemnak in khua ruatko cang hna usih tiah kan nawl hna.

Sangau hi laifa viar kan si Mar holh hmanh hi kan thiam setsai loh. Kei lebang cu Mar holh holh nak cun chun nitlakte Sakhi rap i awhter hmanh khi ka duh deuh. Sangau cu Hakha trang i khua dirh mi, Hakha fa kan si. Kha hlan zawngah Sangau cu sa le ral lak i an kan dirkamhtu cu Chaklei U le nau nan si. Chaklei kan u le nau hna cu, phun le hram kan zohah cun, kan nu kan pa pei ti nan si cu. Fa le cu palh nak a um zawngah Nu le pa nih cun an theihthiam tawn hna silo mei.

Laimi mifim mithiam le mi thrawng hna, U le nau Kar lakah Deihnak Remnak a um khawh nak hnga nan za zo cang ulaw tiah kan nawl hna. Hi tluk lungfah nak a tlung mi hi a faktuk ko lai, mah can van i can terah. Sinain, a liam cu aliam cang, auh thran khawh khi a si tilo. Cucaah, Rem nak Deihnak kan kar lakah umko seh tiah kan Lungput i thleng cang hna usih. Dawtnak he Kum thar cu dong cang hna usih.

Kyaw kyaw te chungkhar, U le nau zawng Pathian nih an lam hruai hna sehlaw, hi thil hi hmailei an thluachuah hmuhnakah cang ko seh. Pathian nih nan thin Tikik tawih sehlaw tiah zaangfah kan nawl hna. LS.Lalhmingthang, (Sangau khua).

Be the first to comment

Leave a Reply

Your email address will not be published.


*