Kan Lai Thil Thuam Nih Hin,Vaw Lei Cung Thil Thuam Vial Te Lak Ah,Dawh In Pa 2 Nak A Phan Ve.

USA ram tuah tuahmi A voi 69nak Miss Universe muidawh zuamnak, National Costume timi ram aiawh thilthuam langhternak zuamnak puai ah Myanmar ram aiawhtu muidawh Thu Zar Wint Lwin cu Top 10 cazin ah thim a si ve tiah DVB nih a tarlangh. Thu Zar Wint Lwin nih aa hrukmi thil cu Lai thuam dawh taktak mi a si.

May 14 ni ah an izuammi Miss Universe, National Costume timi ram aiawh thilthuam langhternak puai ah khuaruahhar in an thilthuam mi thinlung alatubbik Miss Top 10 cazin cu missosology website in a thim i a langhtermi a si i, Cameron Miss thilthuam hi a pakhatnak Top 1 ah an thim ti si. Number pahnihnak (Top 2) ah Myanmar Miss Thu Zar Wint Lwin an thim.

A ngaingai tiah cun Myanmar Miss nih hruk aa timhmi thilthuam cu a color a hringmi (green color) le sui rong (golden color) thilthum hruk aa timh nain vanchiat ah a tlau caah a caan ah a phan kho lo i, Chin nunphung thilthuam aa hruk tiah DVB nih a tarlangh. Myanmar tlangcung miphun hna nih an ihruk tawnmi thi tete in tuahmi thilthuam nih Myanmar Miss cu tu bantukin thilthuam dawhbik cazin ah a phanter ve tiah DVB nih a langhter.

Cu pinah Myanmar Miss nih muidawh izuamnak stage cung kai khawhnak a caan tha cu tha tein a hman i, harsat buainak a tong cuahmahmi Myanmar mipi hna caah “Pray For Myanmar” timi caput he vawlei cung ram hna thlacampiak a nawl hna. National Costume zuamnak ahhin vawlei cung ram muidawh hna nih anmah le ram cio in an thilthuam dawhbikbik design an tuah i an i zuam cio hna.

Cu lakah Cameron, Myanmar, India, Ukraine, Peru, Columbia, Mexico, Paraguay, Finland le Dominican muidawh hna nih a chanchan in Top 10 cazin an phan hi a si. Nain zeiram Miss nih National Costume laksawng a co lai timi cu zuamnak a dih hnu lawng ah thanh a si te lai. Avoi 69nak Miss Universe muidawh zuamnak final puai cu May 16 ni ah, American ram, Florida state, Hollywood ah tuah a si te lai. DVB.

Miss Thuzar Wint Lwin Nih Lai thuam aa hruknak kong fiantrnak a tuahmi rel chih: Tihnak a ngeilomi uktu siangpahrang nu, Hi thil thuam hi Myanmar ethnic nunphung thilthuam pakhat a si i, Chin nu hna nih Khuangcawi puai ah a bik in an i hruk tawnmi nunphung thiltuam a si. Hlan lio ahcun, Chin ramkulh, Hakha bawi hna le mirum hna cu an fimnak le an rumnak upat pek nak ah an nupile khuangcawi puai an tuahpiak tawn i,

Cu khuangcawi puai ah hi nunphung thuam hi an i hruk tawn. Atu ahcun an dawtmi keimah an ka tuahpiak ve. Cu lio chan ahcun duh awk le nawl cawn awk tlak le nusaltha pawl upatnak ah hi ngun thilri (taisawm, saka, thi, etc.) pawl le color phunphun in tuahmi an kut bak in an tahmi tthi hni pawl an rak hruk tawn.

Tutan Miss Universe costume zuamnak ah Myanmar nu pawl thiam thah an thiam ning le zeitluk in upat awk an tlak i duh an nung timi kan langhter kho. Candy pumpak zong a fek i a thawngmi le thlauh khawh lomi nusaltha thinlungput ka van langhter ve. Dress- ChinTaung Tan (Atlanta, Georgia), atang link ah lut uh law, vote peknak in bawmh ve khawh ka si. Hi vote hi a biapi ngaimi a si. Credit: Thuzar Wint Lwin (A facebook ah ka langter hmi asi.)

Be the first to comment

Leave a Reply

Your email address will not be published.


*