Kan Mi Phun Hna Nan Ngaih Chia Hlah U,Nan Pong Te Ah Kan Um Ko I,Nan Hnu Lei In Kan Dir Peng Ko. By ..CNF/A

Tutan Hakha ralhrang nih minung pahnih an kan thah taktak cang. Zeihmanh sualnak ngeilo veve an si. Tler Ling cu amah tein Nawi ah khuasa i a um men mi asi, Khamh Bawi cu Hakha lei chikhatte a rak tlawng tami mi a si.

A fawinak in chim ah cun, CDM lamzawhnak hmanh ah aa teltum lem lomi an si. Cubantuk minung cu ralhrang nih an tlaih hna i thi lakin an vuak hna pinah an ruak tiang an hlonh hna maw an khangh taktak ko hna dah timi zong kan thei kho hna lo.

An tlaih ning kong lih lawngte in kawl ca in thawng an zamhter rih hna i, an thih ning zong lih thiam thiam in zawtnak tha lo an si tiah an langhter chap rih. Kan lung a fak ngai ngai. Tutan ah CNA Gen. Solomon Thangding nih mipi nan pawng te ah kan um ko tiah a timi aw-an kha mipi hnathlam ah a cuang cang, a tu hi kan vun hlam ruangmang ko cang hi teh.

Kan thiseh a luang cang, sualnak ngeilo mipi an kan thah cang ttung hme. Miphun caah thih ngamh in riantuantu CNA/CNF hriamtlai lawnglawng hi mipi nih cuanh bikmi le bochan bik a si ko cang.Cu Caah CNF/A ca zawng ah thlacam in bawm hna u sih.

Be the first to comment

Leave a Reply

Your email address will not be published.


*