Kan Miphun Hawi Mindat Ralzaam Hna Lak Ah Zawtnak Tih Nung A Phan Doctor Le Nurse Te Bawmhchan Nak An Herh Ko

Mindat mipi hruaitu phu hna nih atu dirhmun ah Mindat ralzam pawl lak ah zawtnak phun 3 a karh cuahmah timi theihternak an tuah i covid 19 zawtnak zong a karh cuahmah suallai timi an phannak kong zong an chim chih .

Mindat mipi hruaitu pakhat nih cun “Mindat ralzam pawl lak ah zawtnak phun 3 a chuak i , chungtlik , malaria.tukkuai zawtnak timi nih a kan phak caah kan buai taktak.Mindat khua kiangkap zong ah covid zawtnak a karh fawn tik ah a bu bu in zamcio a si fawn i ralzam in ramlak ah khua a sami lak zong ah hin covid zawtnak hi a karh thluahmah suallai timi kan phang taktak.

Eiding sii zong kan ngei ti lo i lungrethei in kan um ko sibawi le nurse zong kan herhtuk “”tiah a chim .Mindat le Matupi karlak ah ralkap nih umhmun an khuar i Chinram le Magwe ramri zong ah ralkap nih umhmun an khuar fawn.Khuachung i mipi umlonak inn pawl ah an lut i an duhmi poah an lak.

Mindat khuapi i an lak mi cycle le , sui le thilri dang vialte cu Magwe ramthen Kyauk Htoo ah man awlte in an va zuar tawn ” tiah a chim.Atu dirhmun ah hin Mindat khuapi humhimtu CDF le ralkap an i kap timi theihding a um lo nain, ralzam pawl cu khua ah tlung ngamlo in ramtang ah khua an sak cuahmah lio a si rih ko.Furpi a si bantuk in eidin ding an harsat pin ah umnak le i dor nak inn an har sa taktak tiah theih a si.

thawngpang dang : Ralhrangbu dohnak caah Ramleng Kawlram mipi nih US $100,000 An Thawh
————
Ralhrangbu nih nawlngeihnak a lak hnuah ramleng um mi kawlram mipi nih ralhrangbu dohnak caah an phak tawkin mino le tlangcung hriamtlai pawl sinah bawmhnak an pek hna. Nizan June 16 ni ah ramleng um mi Kawlram mipi nih ralhrangbu dohnak caah tiin an thawh mi US dollar sing 1 cu US, Indiana state, Fort Wyne ah a um mi phungki pakhat sin ah an hlut tiah theih a si.

Kan hnulei April thla 16 ah Thailand ah rian atuan lio mi Kawlram mipi le Alliance Thailand based Burmese Workers Assistance Committee- AAC nih Karen hriamtlaibu Karen National Liberation Army- KNLA sin ah Thai Baht sing 1 an hlut tiah KNLA nih a thanh. # The Irrawaddy. The Chin Post

Be the first to comment

Leave a Reply

Your email address will not be published.