Kan Miphun sining ruah ah riantuan zong zaang a tlung kho lo!

Kan Miphun sining ruah ah riantuan zong zaang a tlung kho lo!
===========
Kan Miphun sining ruah ah riantuan zong zaang a tlung kho lo. Rawl Ei zong chung a pil kho lo. Miphun caah nun kan thap khawh lo tal ah, Miphun caah nun a thap mi hna kan Miphun hawi hna caah, kan neih chiah chawva tal hi cu i tel cio hna uh sih!

CNF/CNA kan bawmh duh hna lo zong ah CDF kan Nau le kan far le tak hi cu zohkhenh khawh i zuam hram hna uh sih!
CDF Minung pakhat a herh mi vialte na zohkhenh ahcun hi Uk nak tha lo teinak ding ah, ral do tu ah na tel a si ve ko. Tulio kan sining in kan zoh ahcun Mangtaam zong nih a kan tlunh phak chih te lai, cu caah timh cia tein kan um a hau.

Nihin Ni tulio kan Miphun sining zoh tik ah a thu sawhsawh mi le a um sawhsawh mi kan si lo hi a biapi tuk hringhran. Pathian nih Minung hi a kan ser tik ah pahrang a kan pek chih cu na pahrang cu um pi sawhsawh lo in Nihin kan Miphun le kan Ram caah hman a herh lio te a si.

Ramdang kan phanh mi hi Pathian nih kan Miphun luatnak, ding ah le kan Miphun him nak ding ah a kan thlah mi kan si ti i thei bu tein kan Miphun le kan Ram caah nun nak a thap mi hna Minung pakhat tal hi cu kei mah pumpak in ka zohkhenh lai ti mi ruah nak nei uh si law zohkhenh khawh i zuam hna uh sih!

Cu ti kan tuah kan tuan ahcun hi kan ral hi fawi tein kan tei hrim hrim lai. CNF/CNA/CDF hna lawng hi ral do tu ah chiah lo in kan mah hrim hrim hi raldoh nak ah kan i tel ve a hau. Cu cu kan Miphun nih hi Uk nak tha lo teinak ding caah lam tha bik a si ko. Credit: Salai Ceu

Parallel Governmets (6): Hriamnam Dothlen nak: GZ/CDF/PDF vs SAC. Legitimacy timi cozah an si tiah, cohlan nak, a hlawh tlin ah cun, Meithal in dothlen nak a herh ve ti hnga lo! MAH le Ralkap cozah thlak ding ah phun (4) in doh asi ti kha kan fian ter cang. Lambar 1,2 Dothlen nak asi mi legitimacy le Upadi Dothlen nak in, Ral kap cozah kan tei khawh lo caah, Meithal Dothlen nak lamthluan ah kan um hi asi.

Lambar 3nk Mipi Dothlen nak cu: CDMers, GZ, GX, GY, Mipi nih kan lim cikcek cang. “Spring Revolution” timi “Paucan Dothlen nak” kan hlawhtlin nak nih, Legitimacy le Upadi Dothlen nak cu, bawmhchan seh law, hlawh tlin ter seh, ti asi ko nain, asi ti lo caah, Dothlen nak ah level sang bik le step par zik ah a um mi, Hriam hmang in Dothlen nak cu GZ nih an i thimh cang. GZ Dothlen nak cu CDF/PDF mui an cuang. An pa ah CNF/CNA le EAOs an si.

Dr. Lian Hmung Sakhong, Dr. Sa Sa le NUG nih Legitimacy ah an hlawh tlin lo ah cun: GZ i Hriam Dothlen nak asi mi CDF lamthluan lawng a tang cang lai. Paucan dothlen nak Level (4) ning in GZ rian lawng ah an tla cang. GZ nih Paucan Dothlen nak Level pahnih tiang an hlawh tlin ter cang cu mu!

GZ sin lawng ah Surrender ka tuah, GZ lawng lawng “Salam” ka pek hna tiah, a hlan kan tein, ka rak phuang i sual thupha ka cuai diam cang. Vision le Mission ai ah, Ka motto asi mi “Chin Youths For Reformation” kha a tak pum in a hung langh cang caah asi. Incarnation kan ti ko lai.

Kan tum Za Uk pennak, Duhdim Nun, Thancho nak puitling, Kan ram le kan miphun telin kan covo le kan mah Taa, kan mah rights tbk vialte cu; Chin GZ (CDF) nih an tlin ter lai tiah Zumh nak 100% ka ngeih caah, “I have a dream” “It is Chin Youths For Reformation” tiah Martin Luther King Jr. rolling bia kaa hrawm ve. “Chin Mino Thazang in Ram le Miphun Kan Sersiam” tiah Political Dream in ka Profet nak cu asi.

MAH le Ralhrang Kawl Ralkap tei cikcek in, thlak lawng si loin, Federal Union hlawh tlin ter tu ah, Federal Army kha, Chunmang cio cu asi. Cu cu EAOs vialte funtomh in derh kha asi. Nain CDF/PDF tu in hlawh tlin ding tu ah aa thlen. “Tuah tuan awk kha naa hmai thlak ah cun, na duh mi a hlawh tlin lai” timi, Kawl Tuan phung cu a tak in a hung si cang. Cu caah, GZ, CDMers, GX, GY, Mipi le NUG nih MAH le Ralkap kan doh hi, adik mi le a tak rian asi, Pathian duhsak nak asi, kan ti phah nak cu asi.

GZ Dothlen nak asi mi, CDF nih NUG lamthluan hi a hlawhtlin ter lai ti hi, vawlei bengh ah kan nganh lo kha asi ko. CDF an herh bau mi kip bawmh chan a herh tuk hrin hran.

Nihin Ni tiang, CDF bawmtu Donors cu: Ram leng um, Ram daw tu le Phun tung tu, Chin mi lawng an si rih. NUG nih, Dr. Sa Sa le a Legitamcy lamthluan lawng hi rinh awk asi lo. One man show hi, a tha lo. Kawlram Ram rian le Pennak Cancer hi, ONE MAN SHOW asi. Mi pakhat lawng Pumpuluk chuih ter cu; tei nak cung nung le hlawh tlin nak puitling, kan hmuh lai tiah, NUG, CRPH, CRCH nih hnabei a sei ve maw? Power, Phaisa, Min than nak le Credit lawng bawh hlah ngat uh!

Na lim hang le ram dam nak asi mi CDF tu hi, na kham tu le na bawipa ah, i lak ve cang uh! Tei nak lam lei ah a panh lomi le Chin mi then cheuh tu, nan khua chia Ziaza vial te kha kal tak cang uh. Saphaw cung bawk in Saphaw tamh ti hlah ngat uh! Nan tial chuah hla ngat u! Nan ho le nan tawmei zong, zuk in thuh cang hram uh!

Legitimacy, ICC, R2P nawrh btkin, CDF le CDMers bawmh chan nak zong nawrh chih a herh ngai. Cu caah, Foreign AID le Agency hna cu tawn in bia ruah thluah mah uh. Strategic planning le Proposal he tiah naih niam thluah mah caan hi a cut tuk cang. A can liam lei khi asi deuh cang.

AusAID he hna tlak nak ngeih khawh ahcun, USD 700 Millions hrawng cu i ruah chan khawh asi ko hnga lo maw? Japan AID Le Agencies zong nih tampi an bawmh tawn ve. France cu Kala btk an khirh deuh nan ti hna ah cun; Kan mah lei ah a tanh bak mi, Humanitarian le zawn ruah nak ah a ho ram tluk lo, New Zealand zong teh, bawmh hal ding si ko. Humanitarian ah top asi Zung zal mi Scandinavians Ram hna teh, Ngun Sawm bawmh ah first asi Zung zal mi, USAID le EU teh?

Legitimacy lawng hmai nawrh loin, Kan RALKAPBu caah a herh bik mi thilri hna, Kan khuaram le Kan Ralkap him bawm nak, MAH kut in i khamh nak, Van lawng kah nak in khum zual, Ral ruang ah a zam mi hna bawmhchan nak, tbk tiang in, bawmhchan le fund raising a herh bik ko. Ram leng um chin mi le Dr. Sa Sa lawng rinh ti hla usih tiah kan Sawm hna. Credit; Saya Rung Kaw

Be the first to comment

Leave a Reply

Your email address will not be published.


*