Kan Nin Lawmhpi Tuk E,Pasal Ttha Tial Cung Thang Nih Teinak A Hmuh Tthan Cang.

Lai pasaltha Tial Cung Thang nih One Championship ah teinak a hmuh tthan. An i phomh ning zoh tikah Indonesia pa zong a cak tuk, a si nain Tial Cung Thang hi a rak tthawngtuk, cu caah cun Indonesia pa nih a tei kho taktak lo.

Nihin ahcun Aung La Nsang nih Laipuan he bak sunglawi taktak in Tial Cung Thang cu a luh pi, rumra a ngeih ter taktak. Indonesia pa nih biatak tuk in a doh, a thiamnak dihlak a chuah ko nain zeitin hmanh in Tial Thang hi cu tei awk a tha lo tinak a si ko nihin an cawlcangh ning zoh tikah uar a um tuk hringhran.

Tial Cung Thang nih ceilak in a hun suk caah Indonesia pa cu chikhat an dinh ter ta. Round khatnak hmanh ah a tei rua lai tiah ruah a si nain, Round 2nak tu ah a tei. Tial Thang nih a hun tengh kha kha cu Indonesia pa caah luatnak a um ti lo. Teinak a hmu tu Tial Cung Thang lomh pi cio hna usih. Congratulation Tial Cung Thang, Chin miphun, Kawlram miphun cawisang tu le min that ter tu na si.