Kan Pasaltha Hna Cna Nih Ralhrang He An I Kahdohnak Thawng An Thanh Nak An Tuah

CNA ralram kan cawlcanghnak ah CNA, CDF-Thantlang, CDF-Zophei le CNDF hna i bawm in May 3-6 karah a tlawm bik voi 4 SAC ralkap he kan i kap i SAC ralkap 34 an thi i, 20 nak tlawm lo hliamhma an pu. Cu kahdohnak ah CNA in ralkap pasal ṭha 4 le CDF-Thantlang in ralkap 4 an nunnak a liam ve.

Kan i kahnak hmun hi Hakha in Kalay lei aa thawhmi SAC ralkap mawṭaw 27 le Tank 2 cu, Hakha in Falam kar Ramthlo, Tlangzar le Taal khua kar ah kan kah hna, tiah an thanh.Mawṭaw run a kalmi lak ah Hakha in thongtla 15 an phurh hna i, ral i khamhnak ca ah an hman hna. Cu pinah Ramthlo khua inn 10, Tlangzar khua inn 17 an khangh.

2022 May 9 ah Falam in Kalay lei an panh ṭhan i CNDF nih bomb in an puahhnawh hna ca ah SAC ralkap 4 an thi.2022 May 7,8 ah Chin ramkulh Matupi in Mindat lei a kalmi SAC ralkap mawṭaw run cu CDF-Mindat nih mengtung (13,17,18 )karah an kah hna i, SAC ralkap 30 nak tlawm lo an thi, tiah cathanh an chuah.

Relchap, Shan ramkulh tlanglei, Ngaungshew peng Htirih khuate ah SAC ralhrang hna le Pa Ang pyithuhsit ralkap hna hmunhma an laknak gate sakhan pakhat cu nizan May ni 12 zinglei ah Kareni miphun ralkap hna nih an rak kap hna i an sakhan cu an lak khawh hlei ah Brigate 55 in rawlbawi bik Bohmuu Hein Thet Ko Ko telh in ralhrang ralkap 15 an nunnak aliam tiah Pekho mipi ralkap battalion 2 sinin thawngtheih asi.

Htirih gate sakhan cu Shan ramkulh le kayah ramkulh tonnak Moebye tidil nichuak lei kap ah a um mi asi. zinglei suimilam 4 hrawngah an kap hna hi asi. Ralbawi Hein Thet Ko Ko telh in ralkap 15 an thi i ralkap 2 le Pa Ang PNO chungtel ralkap 3 a nungin an tleih khawh hna tiah Pekho PDF hna sinin thawngtheih asi.

A nungin tlaihmi 5 hna cu NUG kuttang ministry of defense force departmen ah an kal pi hna i checkhlatnak an tuah cuahmah hna tizong theih asi.Cu Hitrih sakhan an lak lio ah Moebye tidil nitlahlei um Pekho sakhan in hriamngam hi an rak kap pi hna hlei raltuknak vanlawng zong hmang in an rak bawm chih hna tiah theih asi.

Cu sakhan an laknak ah MA meithal 11 telh in hriamngam 3 le kuan tampi kan lak khawh tiah Kareni hawikom phu hna nih langhternak an tuah. Cu kahdohnak ah Pekho mipi kilventu phu battalion 2 le Kareni ralkap KNDF battalion 3 hna ifonh in an doh hna cu asi mipi ralkap pasaltha hna lei in 2 hliamhma afaktuk lomi an hmu ve tiah theih asi rih. Credit: Khit Thit Media.

Minthang taktak a si mi nungak muidawh model nu kong lam, Lephiat zawtnak in an zaw lio mi a pa sii ai thlophnak ding caah tiah phaisa ai khawn mi cu a unu a si mi nih a fir piak i a zaamtak ruang ah Sexy model muidawh Phuu Pwint Khaing cu mitthli he a tap tiah theih asi. Kawlram mipi nih theih ngai mi ahlei khun in pa tlangval patung hna tiang nih tha pek ngai mi sexy model Phuu Pwint Khaing cu mipi nih uar lo awk a tha lo mi a si.

Body pumrua tha dawhdawh angei Facebook live thlah pah tawnnak le livethlahnak in mipi nih theih khun mi model pakhat asi.Phuu Pwint Khaing cu muidawh pumrua tha lawng si loin mi harsa hna caah bawmnak thinlung a ngei mi online in mi hna amah le sikhawh nak tein a bawm peng lengmang ve mi pakhat zong asi.

Sihmanhsehlaw minung fa an si ve bantuk in ngaihchiat mitthli tlaknak caan cu a cungah atlung than ve tawn hi asi. Phuu Pwint Khaing nih adawtmi apa cu Lephiat zawtnak angei mi asi a pa siiai cawk ding ah ai chiahmi phaisa cu a unu asi mi nih afir piak i azaam tak hi asi.Ka u aw thlachia na ruat lo taktak unau karah hi tihin na tuah ding asi lo harsa tein ka kawl mi phaisa cu na fir diam ai ko e.

Tuthla cu dam lo in aum mi hringtu Ka pa cu phaisa ka kua khawh ti tung lai lo. Nihin ni tiang ah chungkhar rian le tuanvo cheukhat cu keimah peng nih ka sikhawh tawkin tuanvo kan lak hna i kan zuam cuahmah ko hna cu tiah a ngaichianak cu Phuu Pwint Khaing nih mipi sin ah achim hi asi.

Nungak tlangval kong na huam cun relchih ve, Hi kong hi a sawhsawh ah a ruatmi kan rak um kho.Asinain thil sawhsawh a rak si lo i nungak/ tlangval si loah nu le va zeitluk in dah an i dawt ti theih khawhnak tahfung pakhat a rak si ve ti kan philh loah a tha.Zeitlukin dah ka tlangvalpa/nungak nu nih hin arak ka dawt ti na theihkhawhnak ding caah tahfung pakhat cu’ Voih’ hi a rak si.Hi kong hi ka rak chim ngam.Na darling he nan um ti lioah a pawngah na Voih’ ngam lo i nai sum deuh Peng a siah cun nan i duhdawtnak kha a puan te rih tinak a si.

Zeiruanfah tiah cun mi kan duhdawtmi hna sinah cun kan chiatnak kha kan thuh i,kan thatnak lawng langhter kan izuam tawn. Minung nih kan chiatlio kan thuhmi lakin pakhat,mualpho fawi takmi cu ‘ Voih’ hi a si.Kan ngamhtlak lomi sin le kan theih tuk lomi hna sinah cun kan Voih’ ngam bak lo.Kan Voih’ duh tuk hmanhah kan i sum tangtang i hmun dangah kan va kal tawn.A sullam cu na darling hmaiah ka mualpho lai tiah na thinlung chungin phannak a um i,na Voih’ hmanh na Voih’ ngam rih lo a siah cun kan rak chim cia bantukin,na darling nu/ pa he Khan nan i duhdawtnak a fek tak rih lo tinak a si.

Na darling nu/pa sinah Khan na thatnak lawngte hmuseh tiah i zuam hlah.Na thatlonak le na chiatnak kha raltha tein langhter ko.Thinlung lei cawngmi mithiam sang pakhat nih cun darling ngeimi hna pawl nih hin an thinlung chung dihlakin a si cu  a si, ti ngamnak ngei hna sehlaw ngamhtlak tein i pehtlai kho hna sehlaw cuticun duhdawtnak a fek deuh tuk tiah an chim.Catial thiam minthang pakhat zong nih Cauk pakhat a chuahmi ah,duhdawtnak fek le saupi a deihmi Dawtnak ngeih khawhnak ding caah cun an mah sining bakin um hna sehlaw thuhmi pakhat hmanh ngei lo tein um ah hin a tha tiah a rak tial bal.

Nu pakhat cu a darling pa he an i umh hlanah a darling pa hmaiah cun a Voih’ ai thloh sual ti a si.Asinain a darling pa nih cun Voih’ khawhmi hi a lawmawm tuk tiah a rak lakpiak i,Ka hmaika ah tihnak ngei lo tein a Voih, ngammi nu a si tiah a rak i lawm taktak i a dawt chinchin ti a si.Asinain cuti ti tikah mah upa le mi theih lomi hmai i Voih hna hi cu ningzak ngai a si ve.Darling si lo le nu le va hmai tibantuk hna ah cun a poinak a um lo.Duhdawtnak a kar lehlam tiah thinlung lei doctor te nih cun an rak chim ve.Curuangah na darling nu – pa hmaiah na Voih, chuah sual zongah ningzak lo tein le i sum lo tein Voih ko.

Cubantuk Voih, ruangah a thinlung phundangin a um mi pa cu pasal tlak tak an rak si lai lo.Voih ruang hna ah an simi le a holh tammi a si sualah cun cubantuk nu/ pa he cun tar tiang nan um ti kho lai lo.Voih hi nungak/ tlangval si lo Nupi/ pasal caah hin a rak biapi ngai ve.An pawngah kan Voih ngam a siah cun thu piin kan rak duhdawt hna tinak a rak si.Duhdawtnak fek a si pin ah kum saupi tiang nupa nun a ser khomi Dawtnak a rak si.Curuangah nangteh na darling hmaiah a voih’ngam mi na si ve maw Siloah ai sum pengmi dah na si rih.