Kan Pasaltha Hna Nai I An Thih Nak Kong Ah CNA Le CDF Hna Nih Khua Fak Deuh In Nan Ruaha Hau Cang

Nai kahdohnak I kanĀ  kan pasaltha hna nini khat I minung pa 9 tiang nunnak liam cu ruah ah thin lung nih a celh hrimhrm loh. Kan pasaltha hna thih nak kong he pehpar in, Bia chawkvak a um mi theih tik ah, nai I SAC ralhrang chung in minung 3 hna nih CNA ah an I ap tik ah hi hna pa3 ruang ah nini khat I pasaltha hna nunnak liam cu a poi tuk ti pin cu holh le ka nih a tlinh loh.

Cu ca ah cun, SAC ralhrang chung in an si ah mipi sawhsawh in, CNA si loh ah CDF ah maw an i ap than a si ah cun riantuan tu upa deuh nih fak deih in khua nan ruah a hau cang, hi hnu pin zong ah a um khi mi thil a si tik ah, CNA Le CDF Nan si ah nan sin i a rak i ap an um than ah cun, an konglam that e in hlethlai nak nan tuah hnuh lawng ah cao hlan dong si cang. Hi kong ah hin CNA Le CDF hruaitu hna nih nan I ralrin taktak a hau cang hih.

Kan Hnu Lei May thla Ni 4/5 chinram kahdohnak kongah mi tampi nih an chim tawn mi Hakha Khuapi in Kalaymyo lei ah a rak zuang mi Min Aung Hlaing ralhrang rual cu Chinram Hriamtlai phu i komh in an kah hna i kanmah Chinram ralkap CDF -Thantlang le CNA ralkap thatha minung 9 an nunnak a liam.

Kha lio kahdohnak kong he pehtlaiin chim ceih a tam ngai mi cu zeiruangah dah kan chin ralkap thatha voikhat ah minung mah vialte an thih, a ruang a um ko lai tiah an zumh cio. Hi kongah hin CNA ralkap sinah aa ap mi Kawl ralkap minung 3 raltuknak ah an i tthit hna i mah hna pathum ruangah a si tiah an chim.

Kawl Ralhrang hna minung 3 CNA sinah a zaam mi hna nih phone in an ralkap hawi pawl an pehtlaih hna caah a si tiah a chim tu an tlawm lo. Ralkap zaam mi minung 3 nih dalaan an tuan caah mah vialte kan chin ralkap thatha an thihnak kha a si ko lai tiah an zumh bik. Kawl ralkap kan sin i a rak i pee mi hna i ralram hrimhrim ah i tthit lo an tha ko.

Kan theih awk cu Kawl ralkap Chinram hriamtlai sin i a ap mi pawl hna hi ralram ah hruai in raltuk pi phung a si lo. Kan pa le zong nih hihi kan ruah awk ah ka duh ngai. Kan sin i aa ap mi ralkap hna hi cu a him nak hmun i chiah i ralram ah kal ter bak lo ding an si.

Tunai Tlangzar kahdohnak i a nunnak aliam mi hna kha ralkap zaam mi CNA ralkap nih an i tthit mi hna ruang a cang tiah kan zumh bik ko. Cu caah hmai lei ah kan i ralring nak caah cang hram seh. Kawl ngian hi kan i zumh a si ahcun kan miphun ning in kan thi kho. CNA camp zong khi kan i ralring lo a si ahcun a laak hmanh an laak te kho mi a si.Crd.. Pu Sui Cem