Kan Pasalthahna Thawngpang Theih Hi Cu Thinlung Nih A Celh Hrimhrim Loh E

Lungthin afak tuk hringhran ko mu! Pasaltha 7 taitai hmunkhat ah an nunnak a liam ruangmang ko cu celh asi hrim lo e.Gangaw peng, Myit Thasi pawngkam ah a ummi PDF sakhan pakhat cu Kawl ralhrang pawl nih Helicoptar hmangin nizan May 26 ah khan an kahdoh hna caah PDF leiin minung 7 an nunnak liam tiah Gangaw peng PDF lei nih thawngthanh nak an tuah tiah The Hakha Post nih cun an langhter.

Nizan May 26 ah khan kawl ralhrang pawl hi ke ralkap hmang bak loin Helicopter hmangin PDF sakhan cu an rak kahdoh hna caah PDF leiin tampi an nunnak a liam hi asi, kan theih khawh tawk ah cun 7 hi nunnak liam mi an si ko nain hinak tam zong an si kho tiah kan ruah tiin Gangaw peng PDF nih cun an langhter chih.

Nunnak a liam mi PDF pasaltha hna kongah fak piin kan ngaih a chia, cun kahdohnak hi a zualhma chin lengmang ding le a fak chin lengmang ding dirhmun ah kan um caah mipi zong nih hmunhim an fuhpanh nak hnga zaangfah kan in nawl hna tiah an langhter chih.

Cun kawl ralhrang nih hin Ke ralkap nain Helicopter hi tamdeuh in hman a timh cang caah Helicopter thawngpang nan theih asi ah cun fak piin ralrin ding zong ah forhfialnak an tuah hna hi asi.

Thawngdang relchap ve the law. Thailand ram mintami (actress) minthang taktak asi mi Tangmo cu an hawikom rual he Holiday an kalnak ah tiva chungah apil i a nunnak liam tiah thawngpang rak theih asi. Cun a ruak zong an char cang i an khangh cang tiah thawngthanh nak zong an tuah.

Tangmo hringhran anu nih afanu Tangmo thihnak kongah report nak zong a rak tuah i phaisa tamngai an pek hnuah Tangmo thihnak kong cu pehzulh in Case kalter lo dingah phihkhar nak a rak tuah cang fawn.

Asinain nizaan le tihni in nihin tuangah Thailand mipi a buaiter ngai mi hna cu Tangmo hi a thi lo, amah pumpak facebook in a rak langthan ti hi asi.

Hi kong he pehtlai in hrilhfiahnak ah Video in an chim mi hi rak zoh ve hmanh! Ahman bak tiah cu ka tik ho lo nain an chim ve mi asi caah tha tein rak ngai ve ko hmanh.