Kan Ram Chung (Chin Ram)khawika Hmun Poh Poh Ah Kawl Ralkap Hna Nih An Duh Duh In Um Nak Nawl An Ngei Lo.By Mindat Mipi.

Thlanglei laitlang Mindat kan unau hna cu kawlralhrang hna nih ralram hmuh in an hmuh cang hna i, Machine gun, hriamnam lian le hme he a phunphun in an kah peng hna. Raltuknak helicopter le jet fighter hna tiangin an hman cang.Hi ban tuk in an cawlcangh nak a ruang cu,Mindat Mipi an ttih hna ruang ah si.

Mipi le Ralhrang An ni kahning a faak tuk cang, ralhrang lei zongin a thimi le hliamtuar mi tampi an um nain an i kah cuahmah lio asi caah a thimi zat le hliamtuar mi fiangte in theih khawh asi rih loh. Irrawaddy le Myanmar Now thawngzamhtu hna nihcun Mindat mipi a kilvengtu minung pahnih an thi tiin an tarlangh. Cheukhat media ahcun 5 an thi cang tiin an tarlangh ve.

Mipi kilvengtu lei in hliamtuar mi zong an um nain khuachung mipi leinih va tuamhlawm khawh an si rih lo i,ramlak ah a remcan ning in an i buaipi tiah an chim.Ralhrang lainawng pawl nih Martial Law an phuan ruangah a hohmanh leng chuah khawh asi lo i, an nawl ngailo in leng a chuak mi poh cu mithat lainawng ralhrang pawl nih meithal kahkhawhnak nawl an neihnak kong Lieutenant General Aung Lin Dwe min in order an chuah.

Mindat mipi hna nih kan ramchung hrimhrim ah ralhrang nih nawl an rak nei kho loh. (Chin Special Division Act) Kan Lai phung tein an cungah lairelnak kan ngei lai tiah an ti ve.Mithat lainawng ralhrang hna nih an duhnak lei hoih poh in meithal an kah peng ruangah mipi kilveng tu hna nih an mipi hna cu nan sahimnak lei ah tlikzam khawh rak i zuam u law bomb puak lak in nan himkhawhnak dingah khur rak i cawh uh tiin mipi cu an cah cang hna tiah theih a si.

Credit: Meifa

Be the first to comment

Leave a Reply

Your email address will not be published.


*