Kan Ram Nih Zei Dah Tuah Khawh Ti Lo In, Kan Ram Caah Zei Dah Ka Tuah Khawh Ve Tiin I Zuam U Sih.

KIA ( Kachin independence) army hna Cawlcangh ning hi,ruah riangmang ah cun,Ngeih a chia kan ti lai maw? silo ah thluachuak hmutlak hrimhrim an si kan ti lai dah.Nu le pa ti awm lo i, Nungak tlangval ti zawng a um fawn lo.Ram le miphun ca an ti si ah cun,an dih lak in an tang dih i,a dawngh nak ah, teinak cu an hmuh lengmang ko.

Ram ca i rian an ttuan cang ah cun,an ral simi kha, zeitin dah ka tei khawh lai ti hi, an ruah mi cu a si.cun raltuk nak an kal hlan pohpoh ah pathian sinah thlacam nak hi an ngei peng.Hi bantuk in an ram le miphun caah an nunak pek in rian an ttuan caah,Israel miphun an lo tiah kan ti lengmang hna nak hi asi.

Hi hmanthlak hi vun zoh laww,Nu nih ral doh nak ah a kal hlan ah, a fa cu ram lak ah a kal tak riangmang i,ral a doh dih hnu in,cu a fa a kal tak mi cu, a rawl ttam cang lai tiah a ti i, a fa cu memet dinh ding in a ra riangmang i, khim tein a dinh hnu ah cun, ral doh dingin a kal tak lengmang tawn ti si.

Hi thil ruah ah cun, lungthin nih a cerh hrimhrim lo.mah le inn chung hmanh ah kal tak lo i, ramlak ah a hruai mi hi, pathian nih a zoh sawhsawh lai ti cu zumh um lo tuk mi asi. nikhatkhat ah cun, a duh mi le a herh mi cu, pathian nih a pek hrimhrim te ko lai ti cu,ruah awk lo ttha lo mi thil asi.KIA Boipa nih lam hruai zungzal ko hna seh.Amen.

Credit : EPF

Be the first to comment

Leave a Reply

Your email address will not be published.


*