Kan Unau Nu A Thih Ning Kong Lam Hi Ruah Than Ah Hin Thin Lung A Fak Kho Tuk E

kan unau Mizo nungak Chhungchhungi a thih ning cu celh ding a si lo. A mah hi Kal(Kidney) lei zawtnak a nei mi a si. Kum Julay 4, 2020 ah khan mi sifak bawmchan tu Zo Inspiration hna nih aa zohkhenhnak caah tiah bawmhnak an rak kholh piak cangmi a si. Mah ti cun kum 2 chung an thazaang dihlak in zohkhenh a si hnu ah a tu lio hrawng hi Sii cawknak ding tangka an nei ti lo.

Sii cawknak ding tangka an neih ti lo caah a zawtnak cu a van zual deuh deuh. Mah ti cun sii cawknak an neih ti lo caah Chhungchhungi cu a zawtfah tuar kho ti loin a nunak a liam hi a si. Chhungchhungi nih hin a thih hlan deuh ah a chim mi cu, Ka thih a si zong ah ka mawhchiat bak hlah u. Nan si khawh tawkin thla ka cam piak ko uh. Ka hawile sini sianginn kai zong ka duh tuk ve cang e.” tiah ngeihchia ngai in a chim.

Hi bantuk in Sii cawknak an neih ti lo caah a nunnak a liam hi cu ngeihchia ngaingai a si ko e. Bawipa nih mithi chungkhar hnem hram ko hna seh.Source : Zo Inspiration

Khin Oo SAC Ralkap Drone In Bomb An Thlak Hna 3 An Thi, 2 Hliam An Tuar.Sagaing ramthen, Khin Oo peng ah SAC ralkap hna cu Drone in voi 6 an kah hna i SAC ralkp 3 an thi, May 10 zing Sml 9:00 thok in Khin Oo peng, Khin Oo – Ye Oo lampi Naw Kone Zayat ah security a hngakmi SAC ralkap le KaanThit hlei cungah gate an tuah i phaisa a hal tu SAC ralkap hna cu Drone in voi 6 bomb kan thlak hna tiah Royal Tiger Guerrilla Force(RTGF) i cathanh an chuahmi in theih a si.

Nawlngeihnak Laak Hnu Ni 465 Chung Ah Minung 1835 Nunnak A Liam Cang!AAPP nih May 11, tiang cathanh a chuah ning ah Myanmar ramchung huap in SAC ralkap nih nawlngeihhnak a laak ni 465 chung ah sualnak ngei lo minung 1835 thah an si cang, tiah theih a si. Tlaihkhih a tongmi dihlak hi 13,661 an si i, tlaih ding in nawlchuah a tong mi 1977 an si. SAC ralkap nih mi nunnak a laak mi hna chung ah Yagon in nunnak a liam mi tambik an si.

Thawng dang, Catial Ka Ngai Cang Tawite in.Atu lio thil cangmi tete tawite in ka vun tial ta ve tuah hna lai. Catial lo naak caan a vun sau i catial zong ka ngai ngamsam cang. Umharphen rel a zuammi hna caah.

Nai hrawng cu vawleicung mirum bik Elon Musk bia le hla nih vawlei pi mit le hnakhaw vialte a kan tlaih dih. Aho hmanh nih kan rak ruah bal lomi Twitter pi cu a cawk diam ko. Hi hnu thla khat hnih ahcun a cawkmi aa lim lai tiah zumh a si.

Kan ar dih. Vawlei pi kan authawng aa fun biknak Twitter ngeitu hna an fair loning nih Elon ing an rak puanter ngaingai. Zalong taktak in misual hruaitu cheukhat nih duhning in an tweet lioah American Republican hruaitu upa cheukhat hna cu tweet kho loin an phih thulh hna.

President thing Donald Trump hna cu US President pi tweet kho ti lo ding zungzal in a count an phihpiak. Naite ah Elon Musk cu Trump an phihpiaknak kong ah bia an hal. A lehmi hna cu “an phih lo dingmi hrimhrim a si. An palh tuk. Hruh kal sual bia a si tiah fak ngaiin a ti hna.

Ka onpiak than lai’ a ti. Tuan deuh ah Trump zong an hal i Twitter ah na kir ti lai maw tiah an hal i, ka kir ti lai lo. Truth Social ah ka um cang ko lai a ti hna. Asinain a kir than te ko lai tiah ka zumh. Naite ah Elon nih Party hoih in a dirhmun a langhter than.

Cu hlan ah cun Democratic Party lei deuh ah ka rak um i, President thing Obama zong ka rak vote. Asinain a tu cun Republican Party lei he kaa naih deuh cang tiah a dirhmun a langhter. A ruang cu kal sual deuh pawl kut ah DP hi a lut tuk cang tiah a peh chih.

Poilitics tiluan in a siah media tiluan in a siah DP lei kaarhlan hi a chung taktak a theimi hna caah cun thinphang ngai dirhmun ah America ram pi a umter cang. US mirum bik pa zong nih a rumnak le a thil ti khawhnak hmang bak in fairness a um than khawhnak hnga biatak tein aa zuammi hmuh khawh a si cang.

Canada zong ah Covid-19 ruangah Vaccine Mandate an rak chuah i Truck mong i khualtlawng pawl nih an rak duh lo. Canada khualipi Ottawa ah rat in duh lonak an rak langhter. Prime Minister Justin Trudeau nih Emergency Act chuah in mipi cu ralkap le rang in an cilter dih hna. Vawlei pi nih mipi zalonnak na cil dih cikcek tiah an thangchiat.

Elon Musk zong aa sum kho lo. Hitler’ he a tahchun colh. An pomning le an duhning in a chim lomi poah cu namchih le cilchih kha DP hna i kal pining cu a si cang. An kal sual cang tiah an hmuh cang hna. An pupa hna nih an rak zulhmi lam in an pial cang tiah Senator Rand Paul nih cun a ti hna.

A pahnihnak ah chim ka duhmi cu Ukraine le Russia kong a si. Tuan ah ka rak chimmi cu Russia nih NATO le US sinah a hal hna bantukin Ukraine cu NATO zong lut lo, Russia zong nih lak loin neutral an um lai tiin an cohlan te lai tiah ka rak zumh. Zeicatiah ahohmanh raltuk le nunnak liam kha kan duhmi a si lo.

Asinain Ukraine duhthimnak ah kan i thlak lai lo. NATO chungtel sinak cu amah duhthimnak cungah kan hngahter ko lai tiah an rak leh. Russia nih a rak i timhmi cu ka thihpheihnak hna lai i kan duhmi a cohlanpiak te ko lai tiah an rak ruah. Asinain an ruahning in lehnak an hmuh lo tikah Ukraine ramri ah khat thup in a ralkap a chiahmi hna taklawng in kir pi than ding cu ningzah seiku khat he timi kha a hmaan ding a si.

Raltuknak ah an lut law. NATO zong US zong an i palh thanmi cu Ukraine raltuknak kan lut lai lo ti kha dong loin an chim lengmang. Cu nih cun Putin ral a thatter chinchin. Rak dironh taktak hna seh law Russia zong a ningzah hmaimilhnak caah zeimaw tiin hnatlak an tuah kho hnga i nihin a cangmi vialte hi an rak cang hnga lo.

Asinain zalong tuk in Putin caah lam an rak on i atu ahcun Hell chungah Ukraine mipi cu an thlak hna. Thil sining ka theih deuh tikah ka hmuh khawhmi cu NATO le US nih hi ni le caan hi a ra te lai ti rak thei hna seh law a dawh.

Ukraine ralkap training an rak pekmi hna tuanbia hlun zoh tikah a fiang ngaingai. Training lawng rak pek hna loin hriamnam he tangka he khat thup in an bawmh hna.

European Parliament hruaitu upa hna cheukhat bia le hla ngaih tikah US an mawhchiat ngai. Ukraine mipi kut in Russia an tuk ti bantuk an chim pah lengmang. NATO ram pawl hna ca zong ah thil har a um pah tawn.

US zulh lo ahcun dirkamhtu tha an ngei fawn lo. US hnu zulh ah le raltuk lengmang a hau fawn. Zei tiang dah hitihin hmailei kaar an hlan te lai ti a zohmi zong an um len hna.

Russia le Ukraine buainak zong hi US idea a si ko tiah zumh a si. An rak i ngiar lengmangmi le an i zuam lengmangmi cu atu hi US caah caan tha bik pakhat a si. Russia zong a der khawh chung in derter i thlak viar zuam dawh a si. President Joe Biden nih a ti tawn bantuk, Sanction hi hngak ko rih u, sau pi caah a si lai a rak ti. US thluak cu kan thei thlu lo i thatnak zong a chuah pi ko lai.

Khatlei cun gas, oil le thil man kaining cu lungrawk ngaingai a si ko cang.Atu lio Russia le Ukraine kong hi a fiang ngai rih lo. Russia caah cun sunghzatlak ngaingai thil a si. An sung ngaingai. Ukraine mipi tuarning le thihning cu chim awk um lo khi a si ko. Chim duhmi cu US saduhthah a tlin ahcun Russia cu a tuar ngamsam te lai. Cun Taluk caah zohchun awktlak ngaingai a si fawn lai.

Taiwan hi lak peng a duh ve i, US nih fekthup in a dir pi peng fawn. Russia nih Ukraine a tei lo i a lak khawh lo ahcun Russia cu kum sau tuk a kuah lai ti a fiang. Taluk nih Taiwan zong lak a zianh taktak lai. Russia kha a zoh lai i, Russia bantukin ka sung ve sual lai ti kha ruah loin a um kho lai lo.

Russia le Ukraine a tuktermi hna hi Taluk cawnpiaknak caah maw a si lai, a si lo ah NATO – US tuaktak palh dah a si.. Caan nih chim te ko seh!Caan ka ngei ti lo..Crd-Luther Tin Hre.

Thawngpang Dang: Lashio – Muse lampi ah mipi mawtaw in a kal mi ralhrang kah an tong, 18 nak tam thi: Lashio le Muse karlak lampi ah mipi mawtaw in a kal mi ralhrang cu PDF fonh nih an kah hna caah minung 18 nak tam an thi tiah PSDA nih an thanh. May 4 ni zaanlei sml 5:40pm hrawngah ralhrang hna cu anmah ralkap mawtaw he siloin mipi hman mi mawtaw 5 he Muse lei ah an rak kir pah lampi ah Muse PSDA le PDF fonh nih an kah hna caah ralhrang 20 an thi i 4 hliam an tuar. PDF fonh lei in 2 nih ram le miphun caah nunnak an pek i minung 3 hliam an tuar tiah PSDA nih an langhter. #PSDA #Muse #thechindairy

Mitlau Kalay, TatOo Thida (6) ah khuasa mi Pu Dal Van Mung i a fanu Zam Lam Cing (kum 12) cu nihin, May 12 zing slm 11:00 hrawng ah inn in a chuak i tutiang inn a hlam lo caah chungkhar lungrethei in an um. Zam Lam Cing hi Chinland, Tedim in Kalay ah a ra mi an si i an umnak zong a sau rihlo caah Kawlholh zong a thiam tuk lo. . A hmu mi nih a tanglei phone number ah pehtlaih ding in kan in nawl hna. – 09448699624 09887334812 Credit: TCP

NUG ramdang vuanci US a phan, acozah le ASEAN hruaitu cheukhat he zong an i tong lai: NUG ramdang vuanci Pi Zin Mar Aung cu US khuapi Washington DC a phan cang. Tutan a khualtlawnnak ahhin US cozah nawlngeitu hna he tonnak an ngei lai. Cu lawng hlah ASEAN hruaitu cheukhat Singapore ramdang vuanci he an i tong cang. Cun Malaysia le Indonesia ramdang vuanci he hna zong an i tong lai tiah theih a si.

Washington DC ahhin ASEAN le US hruaitu luban pawl tonnak ngei ding an si hna. Cu meeting ahcun US president Joe Biden zong meeting a kai lai. Tutan ahhin Myanmar ram kong hlei ah China le Taiwan pehtlaihnak kong, Russia le Ukraine ral ruangah Indo-pacific ah zeidah a cang kho timi kong ceihhmai ding a si lai. US nih cun tutan meeting ahhin Myanmar ram aiawh in ralhrang bawi Min Aung Hlaing an sawm duh lo nak kong official in an langhter. Asinain NUG hi Myanmar ram aiawh in an sawm taktak rih lo. Hi meeting ahhin Pi Zin Mar Aung a kai lai lo tiah NUG vuanci pakhat nih cun a chim.

Mipi bantuk in KNDF ram ah a kal mi ralhrang 3 an tlaih hna Karenni ram ah mipi bantuk in khual ai tlawn ter mi ralhrang minung 3 KNDF nih an tlaih hna. KNDF battalion 3 hmunhma chungah ralhrang ser mi thilri Beer siseh Kuak siseh a dangdang zong phurh le zuar a ngah lo. Cucaah KNDF nih cun khualtlawng chukcho hna cu an check hna i cubantuk a phur mi poh an thilri an chuh hna i an hrawk piak dih hna. Cun hi hnu pinlei zongah ralhrang thil ser mi zeihmanh luhpi lo ding in le zuar hrimhrim lo ding in theihternak an tuah.

Ralhrang Sehzung le Thong PDF nih an va kah, ralhrang an zaam Ralhrang Sehzung le Thonginn PDF nih an va kah nain ralhrang pawl an zaam dih. Taningthary khuapi pengah a um mi ralhrang Khairiat sehzung le Thonginn cu PDF fonh nih an va kah caah ralhrang pawl an zaam dih caah i kahnak taktak um loin hnu kan tawlh tthan tiah PDF lei nih thawng an thanh. Cu ti an kir dih hnu ahcun ralhrang nih cun heh tiah khuate pakhat cu hriam ngan in an kah tiah an langhter rih.

Cun PDF Meik Battalion 2 nih ralhrang Thong in zong an rak kah ve. Minutes 20chung hrawng an i kap i ralhrang lei in 3 an thi i 3 hliam an tuar. PDF pasalțha 1 nunnak liam i 1 hliam a tuar tiah an langhter.