Bethsy Lalrin Sangi Le TBC Zai Thanpuia Zawng Nih Kawlram Mipi A Kan Dirh Kamh Nak An Langhter Ve Cang.

Kan unau asi mi mizo hna zawng nih, kawlram ralkap uknak tang i kan um hi, akan duh piak lo tuk i,mizoram khuapi kip ah,ralkap uknak an duh lo nak an langhter thluahmah cang. Sianghngakchia bu hruaitu hna simi, MZP hna nih cun,khuapi kip ah ralkap uknak an duh lonak an langhter leng ah,laimi kan unau asi mi hna cu,kan ram chungah an rat siah cun zeipoh in kan bawmh khawh tawk bawmh ding in ready kan si cang tiah an chim ve cang.

Vawleicung ramkip UN nih an kan cuanh cuahmah lio ah thil sining an zoh cuahmah lio a si bantuk in Mizoram hruaitu le mipi zong nih Mizoram ah a zaammi pawl tha tein zohkhenh ding le dornak pek dingin Mizoram cozah nih ka hnu thla chungah thawngthanh nak an vun tuah cang. Mizoram le Chinram cu unau kan si bantuk in hlan ah unau kan sinak kan i theih lo.

Asinain, atu ahcun vawlei khuaza ramkip ah Chin miphun zong kan phak ve cang tikah unau kan sinak a tak in vun theih than le dawtnak thar ser hram kan thawk cuahmah lio ah hi bantuk Kawlram buainak a vun chuah cu ngaichia ngaingai a si.Mizoram ram minthang hlasakthiam hna minung 2, Bethsy Lalrinsangi le TBC Zaithanpuia nih Myanmar ram buaibainak ruangah duhlonak a langhtermi mipi lei dirkamhnak an rak tuah ve cang.

Hi bantuk minthang hna nih dirkamhnak an vun tuahmi hi a sunglawi tuk hringhran. Mizoram chung ahcun Bethsy Lalrinsangi le TBC Zaithanpuia hi minthang hlasakthiam bak an si fawn tikah Mizoram mipi thinlung zongah phun dang pi in an um men lai tiah ruahchannak nganpi kan ngei.

Bethsy Lalrinsangi catialmi; We will surely get to our Destination if we Join Hands” Aung San suu kyi, pray for myanmar, fight for democracy, lets join our hands.

TBC Zaithanpuia catialmi; Mahni hmun ṭheuh aṭangin theihtawpin Ṭawngṭai pui ang aw, a bâk tih theih kan nei si lo, mahni hmun ah kan lo na ve tlawk tlawk mai a ni e. Pray For Myanmar. Myanmar mipuite huaisenna leh tawrhna rapthlâk tak hian, mipui rorêlna zalenna dar khawnrik tîr mawlh rawh se. safe myanmar, safe democracy, cdm support free myanmar, Pray For Myanmar.tiin an chim bak ve ko cang.

Credit : Vanglaini News

Be the first to comment

Leave a Reply

Your email address will not be published.