Kanpasaltha Hna Kahsoh Nak An Thih Ning Kong Lam Fiang Tein Theih A Si Cang,

Chin ramkulh, Falam peng Tlangzar khua ah nihin May 5 zing suimilam 5:00 in, CNA/CDF le SAC ralkap kahdohnak a chuak i Chin ralkap 9 an nunnak liam tiah kan theih.

Thawng kan hlat khawh tiang ah Chin ralkap a nunnak a liam mi hna cu,1.Salai Thawng Hup Lian,2. Salai Tha Hlei Sang3. Salai Dawt Tha Cung,4. Salai Van Biak,5. Salai Thawng Tha Peng 6. Salai Zo Thang Lian hna nih ram le miphun caah an nunnak an pek.

Hi vial hi tutiang The Chin Post nih kan fehter khawh mi an si.SAC ralkap lei in a tlawm bik 18 hrawng an thi lai tiah zumh a si . SAC ralkap nih Tlangzar Khua Inn 16 an khangh. Tlangzar khua mi hna cu a himnak hmun ah an zam dih, tiah kan theih. Crd: The Chin Post.

Relchap, Kaya ramkulh Demoso peng, Dawngankha khua ah SAC ralkap le Demoso tualchung PDF kahdohnak ah a hliamhma he a tlau mi PDF pakhat cu nihin May 4 zaan ah kan hmuh ṭhan, tiah Demoso tualchung PDF nih an thanh.

April 30 lio SAC ralkap le PDF Phufonh hna kahdohnak ruangah minung ṭhencheu in an um i, PDF battalion A in ralkap Zaw Win Htut cu a hliamhma he a bau, tiah theih a si. A tlau mi Zaw Win Htut cu byu-ha 3 in A,B,F,J battalion tat-khuai ralkap hna nih ni 4 chung an kawl i, a nilinak nihin May 4, zaanlei suimilam 5:00 ah hliamhma fak ngai he hmuh a si i, a himnak hmun ah sii-ai he thlopbul colh a si, tiah an thanh.

Thawng dang, Karen ramkulh , KNU brigade 6 hmunhma, Myawady pengkomh Laykaegaw hmunhma KNLA/Cobra sin ah SAC ralkap 2 cu April 28 ah hriamthil he CDM an tuah tiah theih a si.

SAC ralkap sinak kaltak in KNLA/Cobra sin ah CDM a tuahtu SAC ralkap 2 cu tat-mah 44 kuttang um Tathung  khah-mah-yah- 1 in ralkap Mawng Zaw le ralkap Kyaw Tu Soe an si. Ralkap Kyaw Tu Soe nih MA-4 meithal 1, kuanbawm 4, 40mm kuan 8, 5.56 kuan 100 aa put khawh caah Kyaw Tu Soe cu 60 mmk pek a si tiah Cobra nih an thanh.

Hriamthil he CDM a tuahtu Kyaw Tu Soe cu NUG cozah nih Myanmar kyats sing 60 laksawng an pek, Hriamthil aa ken lo mi ralkap pakhat cu Cobra ralbawi bu-gyi Da Baw nih Thailand phaisa in bat 10,000 laksawng a pek ve, Mizapi sin ah i fonh in CDM tuah duhmi ralkap hna cu Cobra tualchung hriamtlai phu hna nih lunglawm tein don nan si ko, CDM a tuahmi hna le chungkhar hna an himnak ding tiang tuanvo kan lak ko,tiah Cobra in tuanvo ngeitu Ko Myo Turah Ko Ko nih a chim.

SAC ralkap chuaktak in CDM a tuahmi ralkap Cobra sin aa fonhmi nihin tiang ah 6 an si cang tiah an cathanh ah an langhter chih.

SAC ralkap nih hramhram nawlngeihnak an lak 2021, February 1 in kumkhat leng tiang chungah ralkap le palik 10,000 leng nih CDM an tuahcang tiah Pyituh Yin Khun nih an thanh.

Lufah a hmang lengmang tawn mi hna nih a tuah ningcang zong har lo tein dam khawh nak ding caah khachuan rang hi rak tuah ve cio uh law, a man a fak loh i a tuah zong a ol tuk mi te a si. Lu hrapcheu fah a hmang mi hna nih cun khachuan rang bokhat kha nan kheh lai i cip tein nan phomh lai, kha na phomh mi kha catlap rang mi ah khan na benh lai i na hnabek ah khan na benh chih lai.

Cun, na lu a fah dih a si ah cun khachuan rang kha na hnabek khatlei khat lei ah na benh piak lai. Khati na benh hnu tlawmpal ah khan na thlan a chuak thluahmah lai i na lufah nak vialte kha a dam dih ko lai. Sii cawk ai harh mi le sizung sekhan i kal ai harh mi hna caah hi sii hi a tha tuk mi a si caah cun inn kip nih kan neih zungzal mi thilri zong a si fawn cucaah cun lufah na hman ah cun rak tuahpiak ve hrimhrim law na dam ko lai.

A tlangpi in minung a ho poh nih lufah hi kan hman dih mi a si, lu a hrapkhat le fah ti bantuk zong a um sual a si ah cun hi a tuah ning cang hi thaten rak tuahpiak law nai dampi hrimhrim ko lai. Lu chia fah ruangah zan hngilh kho lo tiangin a buai mi zong mi tampi kan um tawn cu ca zong ah mah sii hi a tha taktak mi a si caah siaherh nak lianpi he rak tuah piak ve hRimhrim law na dam ko lai.