Kanpetlet Pasaltha Hna Nih Cun March 28 Kahdohnak Ah SAC Ralkap Lei In Minung Pa 5 Kan Thah Hna Tiah.

SAC Ralhrang le kanpetlet pasaltha hna cu,Nizaan March 26, zinglei suimilam 10:30 hrawng ah Kanpetlet khuachung um mi CDF Kanpetlet le SAC ralkap kahdohnak a chuak. Kahdohnak ah SAC ralkap pakhat a thi i, midang pakhat nih faak ngai in hliamhma a tuar, tiah theih a si.

CDF Kanpetlet nih cathanh an chuah. Cun, khuachung palik sakhan le High School ah umhmun a khuar mi SAC ralkap hna nih hriamhme le hriamngan in khua pawng hrawng an kah caah Kanpetlet khua pawngkam um mi inn cheukhat hna cu an rawk hna. Kahdohnak ah hin kan mah chugtel cu a hliam mi kan um loh tiah an chim.

CDF Kanpatlet lei hliamhma tuar mi cu pakhat hmenh kan um loh tiah Chin Defense Force CDF Kanpetlet hna nih cun nih cun mipi sin ah  cathanh ah an chuah chih.

Ukraine Kahdohnak Ah Russia Nih Phun Dang Deuh In Cawlcangh A Timh, Dwan Leikap Zalonnak A Um Nakhnga Hmuitimh!

Ukraine nichuahlei ah zalonnak a um khawh nakhnga biatak tein thazaang chuah in kan nor cang lai taih Russia nih March 25 ah thanhnak an tuah cang caah Ukraine kong he pehtlai in a si khomi phun dang deuh in cawlcanghnak a um lai.

Ukraine he pehtlai in a hramthoknak i an i timhmi cu kan lim cang i, Ukraine ralkap i thazaang le thiamnak hna cu kan thumh khawh dih cang tiah Russia runvennak zung nih an thanh.

Russia i luhhnawhnak le kahdohnak cu Ukraine ramchung khuapi ngan deuhdeuhnak cu laak chuh hratin Ukraine cozah cu thlak dingin an i timh ziai a si nain Ukraine ralkap thazang le thiamnak le ralthatnak ruangah an hlawh tling kho lo.

Ukraine kahdohnak ah a vawikhatnak bik timhtuahmi cu kan hlawh tling cang tiah raltuknak kongah tuanvo ngeitu lutlaibik nih a chim.

Ukraine ralkap le hriamtlaitu hna i thazang le thawnnak hna cu hmuh awkin a zawr chuk ngaingai cang caah kan i hmuitimhmi taktak a simi Dwan leikap i zalonnak an hmuh nakhnga biatak tein thazaang kan chuah cang lai tiah a chim chih.

Ukraine nichuahlei Dwan leikap hmunhma cu Russia kuttang ummi then cheu a duhmi hna umnak hmun a si.

Crd: Voice of Myanmar