Karenni Army nih teirul an cham than caah ralhrang pa 4 reng lo an thah ​

Karenni Army nih teirul an cham than caah ralhrang pa 4 reng lo an thah ​
============

Karenni ramkulh, Demohso peng Sanpiah 6 mile khua ah September 21 ni ah ralhrang le Karenni phufonh mipi ralkap hna kar ah kahdohnak voihnih a chuak i ralhrang lei in minung 4 an thi, Karenni phufonh ralkap lei in a hliam mi an um lo tiah theih a si.

“Kahdohnak cu tuzing suimilam 2:00 tiang a um i, tlawmpal an i din i suimilam 3:00 ah an i kap than. Ralhrang hna cu Sanpiah 6 mile ah hmunhma an khuar, khuami hna i an inn ah an um, Karenni KA, KNDF hruainak in kanmah Karenni G.Z ( Volunteer Fighters) phu nih thazaang kan chap i kan kah hna.

Ralhrang cu 4 an thi i kanmah lei a hliam mi kan um lo tiah Karenni G.Z ( Volunteer Fighters) phu in Ralbawi Saw Ray nih a chim. ah kan kah lio ahcun fiang tein le kaphnih a hliam mi cu Karenni ralkap KNDF nih ca fiang a thanh mi a um rih lo.

Sagaing ramthen, Ayartaw peng chaklei meng 6 a hlat nak Kya Pin Hla le Ma Gyi Kan,khua hna chungah ralhrang phu thazaang 200 hrawng cu an lut i Kya Pin Hla khua um nu 30 hrawng cu an tlaih hna i mipi nih zuat mi vok hna cu an thah hma i an ei tiah theih a si. Ayartaw, Kyapinhla, Makyikan khua hna ah ralhrang cu an lut i nu 30 an tlaih hna ,inn zuat satil an thah hna tiah theih a si.

“Kanmah zong kan tli dih ,inn hna cu an hrawh thawng kan theih,a hlatnak in a si i fiang tein kan thei kho lo, Kya Pin Hla khua nu 30 hrawng an tlaih hna mah cu a fiang mi si,kan zuat mi vok hna zong ralhrang hna nih an thah hna i an ei hna ” tiah khuami pakhat nih khit thit media ah a chim. Crd; The Chin Post

Be the first to comment

Leave a Reply

Your email address will not be published.


*