Kawl Hacker Pawl Nih Mipi Leiah Kan Dir Cang Lai Tiah An Chim Cang.

Vawlei cung thiamnak a sang chin lengmang cang bantuk in, a tu lio kawlram Internet le online chung i thilri phunphun hrawh khawh le hrawk thiam Myanmar hacker pawl cu Myanmar mipi lei ah ttangin Myanmar ralkap cu online ah an rak doh ve cang hna i ralkap uknak cu asi khawh chungin an rak doh ve cang.

Hi bantuk in Hacker pawl nih an doh mi pawl cu ralkap thawgthanhnak Tatmadaw True News Information Team, Myanmar Central Bank le ralkap nih an neihmi website thenkhat pawl an si hna. Mah cu pinah Myawaddy TV, MRTV, Trade Department le Customs Department pawl zong hrawh dingin an i timtuah lio cuahmah asi tiah Myanmar Hacker pawl nih an thanh cang.

Khat lei ah ralkap zong nih thawng an rak thanh ve i ralkap thawngzamhnak le Central bank cu tawngh khawh lo dingin khamtu, kan nei. Ralkap thawngzamhnak cu rau lo teah kan mithiam pawl nih an tuah than lai, Cun, Central bank zong tha than dingin an i zuam cuahmah lio a si,” tiah an chim.

Kawl Hacker pawl nih cun ralkap thawngthanh mi cu an mah cawlcanghnak a si tiah thawng an thanh ve i hmailei zongah ralkap neihmi online thilri phunphun pawl cu hrawh piak thluahmah an timh. Hibantuk an cawlcanghnak a ruang cu ralkap uknak an duhlo ruangah a si tiah an chimchap..

Source : MRTV Myanmar Hacker

Be the first to comment

Leave a Reply

Your email address will not be published.


*