Kawl Ral Hrang Hna Nih Tilawng In ( Lunghring)Ceilak An Phurh Lio Ah Cei Lak Bak In An Phomh Ko Hna.

Ralkap lunghring la tu tilawng cu SNA phu nih an kah hña caah rallokap lei hliamhma an pu…..
Sagiang ramthen, Hungmalin peng Tasung khua pawng Chindwin tiva ah nihin may 24, zing lei suimilam 10 hrawng ah Shanni hriamtlai phu SNA le ralhrang rallokap phu kah doh nak a chuak than.

Rakap hña nih an ngaih mi, lung mansung (lunghring) a la tu tilawng cu SNA nih an kah hña hnu ah kap hnih kar kah doh nak a chuak tiah SNA rianngei tu pakhat nih a chim.

“Chindwin tiva chung ah rallokap Khandi in Mandalay lei lunghring phor tu tilawng cu a doh, cuka hmun ah security la tu rallokap lei zong an ra , Kan mah nih ti lei in kan doh hña , an mah lei zong nih tilawng cung in an kan kah. Kan mah nih vawlei lei in hriam ngan in kan kah hna , rallokap lei hliam hma tuar mi tam pi an um. Kan kah hña nak ah tilawng zong kan khen, a thi mi cazin cu theih khawh a si rih lo” tiah SNA rian ngei tu pakhat nih a chim.

Ni zan zong ah Upaing lunghring phortu tilawng cu Khandi peng chung ah SNA phu an tuk hña i hliamhma a tuar mi an um lo tiah theih a si.

Khandi khuapeng chung ah May 22 ah khan KIA le ralhrang rallokap kap hnih kar kah doh nak a rak um.

24May,2021
#Khit Thit Media
Credit: TCP

Be the first to comment

Leave a Reply

Your email address will not be published.


*