Kawl Ral Hrang Hna Nih Victoria Camp An Rat Nak Cu Police A Zam Mi Hna Ruangah A Si : By Htet Ni

Kawl Ralhrang Hna hi NCA minthut ruang ah an ra lengmang ko nain a chung taktak an luut bal lo tiin Pu Htet Ni nih cun a chim.Camp Victoria ah Kawl Ralkap an rak luh tawn mi hi Nationwide Ceasefire Agreement (NCA) minthutnak ruang ah a si i a chung taktak cu an luut bal lo, tiah CNF Chimphuannak Nawlngeitu Pu Htet Ni nih a chim.

“NCA min kan thut hnu ah kan camp tiang hi an ra lengmang ko. Asinain a chung taktak cu an lut bal lo. Tutan an rat zong hi CDM in a zaam mi Camp ah nan chiah hna ti thawng kan theih i kan ra, an ti. Buainak a um lo. CDM in a rak zaam mi zong Mizoram ah an pet/kal dih ko,” tiah Pu Htet Ni nih The Hakha Times ah a chim.

Tutan an rat ah hin Palek a zaam mi kan pe than u an ti nain an um lo. Kanmah lei nih CDM luh le tuah ruang ah tlaihkhih mi vialte thlah ding in kan chimh hna. Zalong tein lam a zawh mi hnahnawh lo ding le hrem lo ding zong kan chimh hna, tiah Pu Htet Ni nih a chimchap.Credit-The Hakha Times

Be the first to comment

Leave a Reply

Your email address will not be published.


*