Kawl Ralbawi Pawl Cungah Ankut Tangpawl An Lungtling Ti Loh Thencheu Nak Fakpi Achuak Kho

Military-owned Myanmar Economic Company Limited 2020-2021 tangka kum an tuah mi ah an hmuh mi (miak) cu ralkap pawl sinah an pek khawh ti hna lo caah ralkap chungah lungtlin lonak fak ngai achuah tiah ralkap chung nih an chim.

Ahlan tawn bantuk in asi ning ah cun ralkap aniam bik in asang bik tiang nih (Upaing) Military-owned company ah tangka an thawh dih i kum dongh ah khin (amiat) an pek cio lengmang hna. Asi nain 2020- 2021 kum ca cu an kan pe kho ti loh tiah Yangon hrambunh ah acawlcang mi ralkap bu chung in mi pakhat nih cun achim.

Ralhrang pawl nih hin (amiat) hloknak hmuh duh ah ruang lawngah si loin Military-owned Myanmar Economic Company Limited ah hin tangka hramhram in an chiah terhna. Cu tikah ting1 ah hin (amiat) hi thong 30 hrawng an pek ton hna.

Mipi leiah atang mi CDM atuah tu ralbawi khat nih achim ning ah ralkap pawl nih an tuah mi ah hin athilri achiat tuk caah an hlawh atling mi hi atlawm deuh. Zu, Beer, Kuak le Vawlei tang chuak thilri pawl lawng hi biapi in an tuah khawh mi asi.

Cun atu ah cun ralhrang chuahmi thilri zei hmanh hmang ti hlah uh tiah mipi nih an ti, Mobile tiang in an hmang ti lo, cun tlangcung mi hna um nak I vawlei tang thilri an cawh i an lak nak ah hro an tawng cang i atu ah cun Military-owned Myanmar Economic Company Limited ah tangka an chiah ter mi hna kha (amiat) an pe kho ti hna lo tiah achim.

Atu banatuk in tangka (amiat) an pek khawh ti hna lo tiakah ralkap pawl cu an thin ahungtuk. Ralkap nih cun Democracy le Federal hi cu tluk pi in an lungah alut lem loh. Military-owned Myanmar Economic Company Limited in zeitikah dah (amiat) kan hmuh lai i zei tik dah thlahlawh kan lak te lai ti lawng hi an lung ah aluh mi asi.

Cu tikah atu bantuk in ralkap pawl nih sipuaiyi an tuah kho ti lo i (amiak) le thlahlawh an pek kho ti hna lo ah tikah hin ralkap chung hin I then cheu nak tiang fakpi in aphan kho kho tiah CDM atuah tu ralbawi pakhat nih cun achim.

Ralhrang nih hin Upaing, Myanmah Economic commission cu an tlaih i company an dirh i Bank an tuah, Kokek thilchuak an tuah, Zu le Beer, Kuak tiang in an tuah dih i kawlram chung Chaw leh hrolnak vialte cu an mah nih an uk dih. Source: Khit thit media

Be the first to comment

Leave a Reply

Your email address will not be published.