Kawl Ralhrang Hna Nih Kayin Mipi Cu An Kah Hna Ruang Ah,Ram Tang Ah An Zam Dih Vial.

Kayah (ကယား) ram ah SAC ralhrang nih PDF an ttih tuk hna ruang ah sualnak ngei lo khuami tu an kah hna.ကရန်း khuami dihlak ramtang an zam. PDF nih ဒီမော့ဆို pawngkam vialte an lak.

May 24 Kayah (ကယား) ram ah SAC ralhrang pawl hna cu PDF he hmaitonh ding an ngamh lo caah sualnak ngei lo khua mi hna caah ကရန်းသာယာ khua mi minung 1000 leng cu ramtang ah an zam dih tiah kan theih.

Khuami pali an thah hna i pariat nih hliam an tuar. Hi hi PDF an ttih hna ruangah a si i fih a nung tak tak mi tinlungput a si ko a chimrelzia hmanh ka thei ti lo tiah khuami pakhat nih a chim.

Khuami an zamnak ramtang tiang SAC ralhrang pawl nih an zulduai hna i an kah rih hna caah hliamtur pawl cu khuami mino nih an zam pi chih hna tiah kan theih. KPDF le EAOs sinah PKPF thawngthanhnak ‘ကရန်းသာယာ ralzam pawl bomhnak caah le PDF ralkap thazang chap ding in ‘ kan in nawl hna tiah thawng an thanhnak an tuah.

Kayah ram mipi runveng bu nih May 24 Ca thanh an chuah mi ah May 23 in SAC ralhrang pawl he i kahnak a chuak. ဒေါငံခါး khua in kahnak aa thawk i ဒီမော့ဆို le ငွေတောင် tiang kan lak khawh cang.Non – CDM le ralkap SPY pawl an inn vialte zong kan hrawh dih tiah thong an thanh.

Be the first to comment

Leave a Reply

Your email address will not be published.


*