Kawl Ralhrang Le Hakha CDF Hna ChunCung I An Ni Phomh Nak A Fiang Cang.Fak Tuk In An Ni Kap.

Hakha peng, Chuncung khua pawng ah Min Aung Hliang hruaimi Ralhrang phu le CDF-Hakha pawl,karlak kahnak a chuak tiah The Hakha Times nih a langhter.Hi kong he pehtlai in The Hakha Times nih a tanglei bantuk hin a langhter. Chuncung khua pawng (Falam lei) tuzanlei (May 16) ah Min Aung Hlaing Ralkap le CDF Hakha an i kap cuahmah tiah khuami sin in thawng kan theih.

“Atu hi kan khua in Falam lei meng hnih hrawng a hlaatnak ah an i kaap cuahmah. Falam lei in Ralkap motor pali nga hrawng an rak kai. Cucu an kah hna. Zei an lawh bel kan thei rih lo,” tiah Chuncung khuami pakhat nih The Hakha Times ah a chim.

Cun hi kong ah The Chin Journal nih “Falam lei in Chungcung phakhlan hrawng hmunhma in meithal kah thawng le Bomb puah thawng pawl pehzul in a thang cuahmah. Hakha lei in Chuncung phak hlan zong ah SAC ralkap an um. Nihin chun sml. 12:00 Ahrawng ah Hakha in SAC motor 2 Chuncung lei ah an i thawh” tiah a langhter ve.

Relchap – Mindat ah SAC Ralkap a Thimi le a Tlaumi an Um Len : May 13 le 14 i CDF-Mindat le SAC ralkap kahdohnak ah SAC ralkap lei in a thimi le atu tiang hmuh khawh loin a tlaumi ralkap pawl an um len, tiah May 16 chuak SAC thawngzamhnak Kyemon nih a langhter.

May 13 ah SAC ralkap motor pakhat a kaang i, ralkap a thimi le a tlaumi an um. May 14 ah SAC ralkap motor 6 a kaang i, ralkap a thimi le a tlaumi an um hna.A tlaumi ralkap pawl hmuh khawh ding in kan i zu cuahmah,” tiah SAC nih thawng an thanh.

SAC ralkap a thimi le a tlaumi pawl zeizah ngaingai an si timi an langhter lo. Atu tiang Mindat kah dohnak ah CDF-Mindat lei in minung 6 nih an nunnak an pek, tiah Mindat mipi uknak lei bu nih a chim ve.

Be the first to comment

Leave a Reply

Your email address will not be published.


*