Kawl Ralhrang Mihman Pyu Saw Htee Nih India Rami Anthat Mi Hna Ruak An Hmuh Lo Caah Myanmar Lei In Palek Gate Cawngh Nak Cu Mei In An Duah.

Kawl Ralhrang Mihman Pyu Saw Htee Nih India Rami Anthat Mi Hna Ruak An Hmuh Lo Caah Myanmar Lei In Palek Gate Cawngh Nak Cu Mei In An Duah.

Kawl ralhrang kut tang Pyosawhtee pawl nih India ram mi More khuami pa 2 cu July 5, 2022 chun hrawng ahkhan Tamu khua chungah an thah hna i atu tiang hi Kawl ralhrang nih an ruak cu an pe du rih hna lo, cu caah cun More khuami hna nih Ramri hngah nak gate cu July 6, 2022 zanlei Sml 2 hrawng ah khan mei in an khangh tiah theih asi. Cu hnu ah ramri congh nak gate pawng ah ah um mi lakphakti dawr cu lungin an I chep i hliamhma apu mi zong an umtiah theih asi.Cu hnu ah ralhrng hna nih meithal 10-15 hrawng an puah i More mipi hna cu India police nih an rtak tlangtlak hna. Atu bantuk in thah atong mi Indian mi hna cu motor ke 3 ngei amawng mi an si i, Tamu leiah thilri va pek tadingin an kal lio ah khin Pyosawhtee hna nih meithal in an rak kah hna hi asi.

Athi mi hna ruak cu India rakal hna nih an va hal hna i Kawlralhrang hna nih cun zinglei sml 8 ah pek ding an ti hna nain zanlei tiangah an pe duh rih hna lo tiah theih asi. More Palek sakhan pawngah ruak hmuh thankhawh dingin khuami pawl nih lawmzawh nak an ngei tiah theih asi. Hi bantuk in thawngpang achiat tikah Tamu in More lei ah thil azuar ton mi Kawlram mi pawl zong an kal ngam ti lo. Cun More ah ralkian in aadawr mi Mynamar mi hna zong leng ah chuah lo ding in an mah le an mah theih ter nak an I tuah.Sagaing ramthen Tamu khuapi , Sawbua veng ah India rammi pahnih cu July 5, Chun sml 2 hrawngah ralhrang kuttang Pyu saw Htee pawl nih an that hna.

Pyu Saw Htee pawl nih an thatmi India rammi pahnih hna cu Mohan ( kum 28) le M.Lyarnar ( kum 35) an si. Pyu Saw Htee pawl nih zeiruangah India rammi pahnih hi an thah hna timi a ruang theih a si rih lo i, ralhrang lei zong nih a aruang an chim ve rih lo.

Tamu i a um pakhat achim nak ah cun thawngpang kan theih bantuk in asi ah cun tangka an thleng ti in an chim. Pakhat deuh tu cu tungbing mawng a si. Tamu le More ah thilri an phur ton mi asi. Thawngpang achuah le cangka in India ralkap pawl nih  More ah  fakngai in Myanmar rammi pawl an check cawlh hna i, asi khawh chungin tan an lak colh.

Ram buainak ruangah CDM cheukhat pawl cu India ramchung More leiah thilzuar in aum mi an um. Cu hna pawl buaibai nak tuahpiak duh ah Pyu Saw Htee pawl nih hin India rammi pahnih hi an thah hramhram mi zong asi kho. Hi bantuk in a si hnu ahcun ramri chuah le luh hi afawi ti lai lo. Cun  khatlei ahcun mithi hna pahnih i an tangka zong hi Pyu Saw Htee pawl nih  hin an tangka alak i asi ko lai. Thawngpang fiang cu arak lang te ko lai.

India cozah hi ralhrang he tangtti an si i, ralhrang he an karlak thil um tu le si ning aathleng lai i Tamu i India rammi pahnih an thih thu ah ralhrang pawl cu thinphan dingah ruah a si I, India rammi thattu ah PDF pawl an puh ko te ko hna lai. Asinan, Pyu Saw Htee pawl nih an thahmi asi ti cu aho paoh nih  kan thei dih ko. Pyu Saw Htee pawl cu ralhrang mihman, kuttang an si, tiah a chim. Source: Zalen