Kawl Ralhrang Tam Tuk Cu,Vanlawng In KIA Doh Ding In,Kachin Ram,Bamaw Khua An Phanh Hnu In,An Kal Tthan Nak Lampi Ah KIA Nih Sawp Dih Lak In An Rak Phomh Hna.

Kachin ramchung, Bamaw pengkulh in DawhPhong Yan lei ah KIA doh ding in a kal mi hna kawl ralkap nih an ni cit mi motor 21 cu nihin zan lei ah khan KIA hriamtlai phu hna nih, an rak bawh hna i, sawp dih lak in an kah hna tiah theih asi.

Hi thil hi,Nihin zaanlei suimilam 3:45pm hrawng ah khan KIA Tatmaha (3), Tatzin (24) nih phu hnih in an rak bawh hna hi asi. Ralkap lei hi motor 21 in an rak ra i motor pakhat ah a tlawmbik ralkap 25 cio hrawng an i cit tiah 7Stars News nih cun a langhter.

News nih a langhter ning ah cun, “Ralkap pawl cu KIA doh ding in thazaang an rak chap mi asi. Motor 21 in an rak ra i KIA nih lampi in an rak bawh cio hna caah faktuk in an kah hna. Cu ahcun Ralkap motor 6 cu ciam dih lak in a kaang i motor 21 in a rak ra mi ralkap cu an za te nawn in an nunnak a liam dih” tiah 7Stars News nih cun a langhter.

Kawl ralkap pawl hna cu.Bamaw tiang vanlawng in an rak chiah hna i, Bamaw in motors 21 in KIA doh dingin a kal mi an si tiah theih asi. Motor pakhat ah hin ralkap 25 cio hrawng an i cit. KIA lei nih an thawngpang an theih caah lampi in an rak bawh cia ve hna i hmaitonh in an phomh colh hna hi asi. Ralkap cu an za te nawn in an thi, cun motor 6 cu KIA nih sawp dihlak in an kah, Mei in an khangh dih ti asi.

Credit : 7Stars News.

Be the first to comment

Leave a Reply

Your email address will not be published.


*