Kawl Ralkap Hna Ei le Din Phur Mi Ti Lawng Cu Kah Piak An Si.

Kawl ralkap pawl riahcaw phurtu Tilawng cu KIA nih lampi ah an rak kah piak hna i an riahcaw vialte an lak piak dih hna tiah Kachinwaces nih a tarlangh.May 11 Sui Ku ah KIA nih an kah mi Tilawng hi Hlai pawng ah riah caw chek ding in ai dinh lio ah KIA pawl nih an kah i an riak caw vialte zong an lak piak dih hna tiah a hmun ummi pakhat nih a chim.

Hi i kahnak ah hin Ralhrang lei 4 zong hliamhma an pu. A tubantuk in ralram ah a ummi riahcaw pe ding in a kal mi Tilawng cu tuzing suimilam 7 hrawng ah khan KIA nih an rak kah hna hi a si. Tilawng cung ah hin Facang tun 1000 le Chiti, Cite le herhhai dang tampi a um. May 7 zong ah khan Sui Ku lei a rak kai mi ralhrang pawl an i cit mi Tilawng cu KIA nih an rak kah piak hna.
#Kachinwaves, Hmanthlak Google

Thawng dang: Bank le ATM in tangka chuah tu hna Cazin pek dingin Central Bank nih Nawl a chuah. Ralhrangbu nih Nawlngeihnak a lak ni February 1 in May 7 tiang Bank ttengnge pawl le ATM in tangka a chuah tu, a chiah tu Cazin cu biathli ah chiah in kuat dingah Central Bank nih Bank pawl sinah thawng a thanh hna.

February 1 in May ni 7 chung pumpak in siseh, Company le Bu hna siseh Tangka an chuah zat le an chiah zat cu May 14 hlan ah Central Bank ah na kan kuat lai tiah theih ter mi a si.

Kuat ding mi Cazin hna cu Minung, Company le Bu pakhat cio nih Phaisa an chuah nak, an chiah nak cazin le Pumpak, Company le Bu hna i phaisa kuat le cazin felfai ten an tuahnak pawl a si tiah theih a si.

Be the first to comment

Leave a Reply

Your email address will not be published.