Kawl Ralkap Le Tlang Cung Mi Ka Ni Kap Cang Lai An Ti Lio Ah,Kan MP Hna Khawika Dah An Um Dih Hnga?

Tuzanlei Cun Tlangcung Hriamtlai Le Kawl Ralkap Ai Tu Kap Dirhmun An SiNCA min a thumi hriamtlai phu hna nih uknak a chutmi ralkap cozah he “ramkhel biaruahnak” kan ngol lai i CDM kan dirpi lai, tiah an ti.”Political Dialogue” hi tlangmi tu nih kum saupi kan rak hal tawnmi asi i kum saupi kan rak hngahmi asi. Cucaah mah cathanh hi a man a fakmi asi i tlangmi caah tuanbia thar asi.

Senior General Min Aung Hlaing hnakhaw ah a hei ring ngai ko lai i khua zong a ruahter pah men lai. Zeicatiah, uang ngaiin kalpi a timhmi roadmap 5 lakah pakhat kha hi nih hin a hrawhpiak colh caah asi. Nain, hi ruangah a lungthin cu a ṭhum colh lai lo i tuah a timhmi tu cu a ṭhulh rih lem lai lo.

Harnak atlun tikah zamtak le hrial loin phisin le zuanhnawh khi hruaitu ṭha hna lungput cu asi tawn. Ramtang um hruaitu hna nih cucu an hun langhter. Mahbelte, zeiruangdah ramchung ummi hruaitu tampi hi nan i thuh ko rih! Chuak ve cang uhlaw a ṭha lo maw? Dirti caan te khi asi.

Be the first to comment

Leave a Reply

Your email address will not be published.