Kawl Ralkap Nih I Kah Lo Ding In,An Puan Hnu Tlawm Pal Ah,Min Dat Lei Ah Motor In Tam Tuk An Kal Tthan Cang .

Thlang Lei Laitlang khuapi,Mindat lei ah Kawl ralkap tampi an kal chap. Kalay myo in Kaw ralkap tampi cu an i thawh i Gankaw lei ah an kal hna. Gankaw in Mindat lei ah an kal lai tiah theih a si.Chin ramkulh ahcun Matupi sakhan ahhin Kawl ralkap tambik an umnak a si nain Matupi zong ah Kawl ralkap hi tam um dawh an si ti lo. Kawl lei ah an kal dih cang rua.

Kan hnu lei i Mindat i kahnak zong ah khan Matupi lei in Mindat lei ah ralkap tlawmpal an kal i lampi ah Mindat CDF nih an rak kah hna. An kal kho than lo i an kir.A tu Mindat buainak ahhin Pako sin siseh, Kalay in siseh Kawl ralkap tampi Mindat lei ah an kal hna. Kan hnu ah khan Pako lei in Kawl ralkap Motor 7 cu Mindat lei ah an kal i Mindat an phak hlan ah CDF nih an rak kah hna i minung tamtuk an thah hna.

Kawl ralkap pawl cu Mindat lei ah lan kho ti loin an um. A tu hi an kir cang maw kir lo ti theih a si rih lo.Nihin May 1,2021 ah khan Mindat CDF le Kawl ralkap cu an i tong. Hmun pakhat ah an i tong i zei kong an ceih ti theih a si rih lo. Kawl ralkap pawl an kir maw kir lo timi va zoh i va hlathlai dawh an si hna.

Zahan ah khan Kalay in Mindat lei ah ralkap Motor tampi an kal tiah an chim. A tu cu ralkap Motor pawl cu khoika an um le an phak ti theih a si rih lo. Mindat lei ahhin kahnak fak a chuak than khomi dirhmun ah an um.
Myanmar nih May thla chung hi kahnak kan ngol tiah thawng thanhnak an tuah. Sinain May thla nikhat ah KIA umnak Alaw Bum sakhan lei ah Kawl ralkap minung 300 reng lo na kal ti a si. Mindat lei ah ralkap tampi an kal than ti a si.

Kawl ralkap nih kahnak kan ngol an timi hi cu zumh awk pakhat hmanh a um lo. An thluak a si. Thazang chap le hmunhma lak an duh caah kahnah kan ngol an i ti ter sawhsawh mi a si ti hi ,a hman ko rua.

Be the first to comment

Leave a Reply

Your email address will not be published.