Kawl Ralkap Nih Mipi He Tu Thla Chung Ca I, Kah Rih Lo Ding In A Puan Nak Bia Thli Theih A Si Cang.

Kawl ralkap hna nih tu thla chung ca i,i kah rih lonak bia chim hau tiangin,anrak um cang mi hi a ruang nathei maw? ruah ah cun ningzak tuk anrak si cang.Rampi cozah pakhat nih hi bantuk in a puan mi hi, mipi a kan dawt caah le kan zawn an kan ruah caah silai tizawng in,narak ruat kho men.zei mipi zuan ruah cu dah,a si nemmam lo,sikho sehlaw cun,kan dih lak hmanh in vawikhat teah thah dih an kan duh lai.

Mipi a kan dawt caah a silo i, an dir hmun i remh i, mipi control khawh nak lam a um hnga maw tiin, timh lamhnak ngeih an duh caah si.a ruang cu ralhrang hna hi, anba tuk cang ti hi fiang tein a lang cang.Chak leiin KIA nih an rak phomh lengmang hna lio ah,thlang lei in,KNU nih Cum lo cat lo in, anrak phomh ve hna tikah, ralhrang hna cu, tamtuk an thi cang .cu long silo in an sakhan tiang in an ting piak pah lengmang hna tikah cun,an cerh tilo tinak si cang.

Cu lawng hlah,AA,MNDAA,le TNLA hna nih an rak phomh ve hna ah cun, ralhrang pawl cu, thlakhat chungah tlangcung mi hriam tlai hna nih an kan hloh dih cang lai ti hi an theih tuk mi si caah,Mipi lei cu thlakhat chung kan kap rih hna lai lo tiah an puan nak asi.Kawlram ralkap nih hin,khuapi kip cu venhim an hau tikah,an minung nih an ni za tilo i, an khua ruah long hartuk ko cang.

Tlangcung hriamtlai hna lakah an ralhrang hna cu, tamtuk an thih cang tikah,an thinphangtuk ko cang.cu long hlah ralkap bawi hna nih cun, an ralkap hna cu an ttih tuk cang hna i, an kan tliktak lai ti le,kan control kho hna lai lo ti hi, an phan tuk cang caah a tu bantuk in thlakhat chung cu, i kah rih lo dingin an puan nak cu a si tiin news kip nih cun an langhter cang.

Credit : RFA/BBC .

Be the first to comment

Leave a Reply

Your email address will not be published.


*