Kawl Ram Buai Nak He Peh Tlaih In Lian Hmung Sakhong Nih Mipi Cu Ralrin A Pek Cang Hna.

Atu lio kan kawlram cu ralkap nih uknak hramhram lo in a lak caah mizapi nih duhlonak langter in lam zawh le CDM cawlcangnak tuah cuahmah lio pi a si. Ralkap cozah nih daite in duhlonak a langtertu mipi hna cungah Meithal hmang in kut hriam a thlak hna caaah minung 50 leng kai nunnak a liam cang. Ralkap nih an tleihmi hna hi ramchung ah 2000 in 3000 hrawnghrang an si cang lai tiah zumh a si.

Vawleicung ram hna zong nih ralkap pawl cungah mawhchiatnak tete an van chim len.Ralkap nih duhlonak a langtermi mithal in a kah hna. Mitthli tlaknak Bom in a kah hna. Chai in a cheih rih hna. Misual thongtla pawl tangka a pek hna i mizapi harnak pek ding in rian a fial hna. Meithahnak Motor nganpipi in duhlonak a langtermi a kah hna. Thawng la tuk le zamhtu pawl a herh hna.

Meithal in a tuk den hna. mizapi harnak phunphun a kan pek peng nain mizapi nih tuchun ni tiang ngol an duh bak lo. A ruang cu Meithal kahhliam thihnak in Ralkap kuttang um kha kan techin fapar caah tih a nung deuh ti an theih caah tih a nung tukmi peithal zong hrial lo in an tuk dohnak hi a si.

Atu lio ah mizapi nih Ralkap misual le mithalo kan doh lio ahhin mipi nih kan i ralrin dingmi Dr. Lian Hmung Sakhong nih mipi sin ah a langter. ” U le nau vialte thil abia pit lio a si caah, Thawng nan theihmi vialte FB ah tial dih hlah uh. Nan bia kaa khat ruang mi nunnak a liam kho. Luatnak lam apit kho. I ralring cio u sih. bia thil phuang hlah usi” tiah a tial.

Be the first to comment

Leave a Reply

Your email address will not be published.


*