Kawl Ram Buai Nak Nih Zual Lei A Panh Thluah Mah Lio Ah,Chin Mino Nungak Tlangval (700) Reng Lo Nih CNF/A Ah An Lut Thluah Mah Cang.

Kawl Ram buainak nih cun tthat lei panh loin, zual leitu a panh thluahmah ko cang.kawl ralhrang hna nih cun,nikhat hnu nikhat in an sual chin lengmang ko cang. mipi lei nun nak tamtuk a liam cang i, lamcung ah minung thisen in a khat ko cang.ttah nak le ha tthial nak in a khat i, sihmanhsehlaw, mipi lei le Mino lei nih cun, ngawltak an ni tim hrimhrim lo.

Misual terrorists ralkap pawl an sual chin chin i, minung thih nak a tam chin chin tikah, mipi/Mino lei nih cun, teinak kan hmuh hlan lo kan ngawl lai lo tiin an ttang chin chin.kan duh mi cu Democracy a si i, hi Democracy hi a herh siah cun, kan thisen in kaan cawk lai titiang in an au thlauh ko cang.

Hi lio ah hin,Thlang cung hriam tlai pawl hna nih cun, ti le rawl hmanh eihmanh loin le zan zongah it hmanh loin, an nun nak thap in,kawl terrorists ralhrang hna cu,cum lo cat loin, an rak phomh thluahmah ve tik hna ah cun, Chin/Zofa Nungak le tlangval hna 700 reng lo nih cun, an ni sum kho ti lo i, CNF/A ah an lut thluahmah ve cang tiah theih asi.

Hi a lut mi hna lakah hin,ram dang lei mi hna zong an ni tel len ve tiin thong kan theih.Cun Ramdang lei i a um mi, Chin/Zofa tampi nih cun,kawl ram ah an ra i, CNF/A ah an lut dihcang lengah,a ra lai mi zong tamtuk an um rih tiah theih asi. a ra mi hna hi, USA,Australia,le Canada ram lei in an si tiah thong kan theih.

Credit : KBZL

Be the first to comment

Leave a Reply

Your email address will not be published.