Kawl Ram Caah Ruah Chanh Nak A Um Rih,US Secretary of State Anthony Blinken Nih Zei Tin Dah A Chim Tthan.?

Kawl Ram nih hin,ramkip bawmh nak a herh tuk ko.Bawmh sawhsawh silo in,a taktak in bawmh a herh tuk .US le UN Security Council hna zong nih ca thanh cu an chuah tawn ko nain Ralhrang hna caah cun zeihmanh asi lo i,caan nih akal pi i,a lo dih tthan lengmang ko.US zong nih hremnak cu a tuah tawn nain cu zawng cu zeihmanh ah an rel tthan lo.ralkap hna caah cun hi bantuk hremnak hi cu zei hmanh ah an rel lo.

A tu-ah US Secretary of State Anthony Blinken nih cun,nizan le nihin i, kawl ram kong ah,a ruahnak zeihmanh a ngei kho tilo tiin Twitter ah a vun ttial tthan cang.amah nih a chim ning hawi hna ah cun, zeihmanh ruahnak ka ngeikho tilo tiin a chim cang.sihmanhsehlaw, USA nih cun,kawl ram ralkap hna nih mipi cung i,a thil tuah mi hi,vawlei cung ramkip nih ttha tein kan zoh piak tthan a hau tiin a chim tthan cang.

Kawl ram ralkap hna thil tuah hi,ttih nung tuk mi le mipi zah lonak thil asi caah, hi hi cu ttha tein kan zoh piak hna a herh tuk mi asi tiin a chim.A chim rih miah cun, sualnak a ngei lo mi hna cungah meithal in kah nak le nunau hna cung i a thil tuah mi hna hi khuazei ram hmanh nih a zoh sawhsawh ding asi lo tiin a chim chap.

Cun, mipi nih an duh bik mi le an hal mi hna zawng hi, ralkap nih hin, a tuah piak ding hrimhrim hna ding asi.Cun mipi nih an duh bik mi thil hna cu, Democracy hmuh tthan ding,2008 phunghrampi hrawh dih le thong tla mi hna chuah dih ding ti hi asi. cu caah hi bantuk thil hi cu,kan zoh sawhsawh ding asi lo tiin a chim tthan cang .

Source : International News & Media

Be the first to comment

Leave a Reply

Your email address will not be published.