Kawl Ram Hi Vaw Lei Cung Ah,Pathian Nih Thlachuah Pek A Duh Bik Mi Ram A Si : By Dr. Sasa

Dr. Sasa cu David Lah nih Crusade a tuah nak ah biachim nak caan tawi te an pek ve i, Cu ka i a chim mi cu a ropui tuk hringhran ko. Dr.Sasa nih cun, mipi hna hmai ah cun,kan ram buainak kong tawi te a vun tenh ta i,mipi hna nan lungre thei ti hlah u. zei cah tiah, kawl ram hi Pathian nih vawlei cung ramkip hna sinin, thlachuah pek a timh cang mi ram asi tiin a chim i,mipi kut bengh thong cu a ring ngaingai.

Ralkap nih kum tampi a kan uk cang i, kan lungre theih nak le kan sifah nak vialte cu,pathian nih a theih dih cang.kan lung i thleng cang uh sihlaw,hmai lei pangh in kal cang u sih.A caan kan phan dengmang cang. lung sau tein rak hngak ko rih u tiin mipi cu a cah hna.

A chim rih mi ah cun,Kawl ram hi Asia ram chung ah,a rum bik mi kan kan si cang lai.Cu kan um nak caah cun, Sui le ngun a herh lo i,thazang thawn nak zawng a herh fawn lo.A herh bik mi cu, a nung mi kan pathian pakhat longlong hi kan herh mi cu asi tiin a chim i, mipi kut bengh thong cu a ring ngai ngai.Haleluiah…Amen.

Cu caah mipi nan tha chia hrimhrim hlah u law,a tu-ah vawlei cung ah mi sifak bik mi le lungre theibik mi ram sihmanh usihlaw,pathian nih a rauh hlan ah, rum nak le tthawn nak cu akan pek zau cang lai tiin a chim.A biachim mi hi lung a hmui tuk hring hran ko.Bawipa nih abia chim mi thlachuah kan pek piak ko seh…Amen.

Be the first to comment

Leave a Reply

Your email address will not be published.