Kawl Ram Khawmawi Khua Mi Vanlalbika Nih Cun Champhai Khua Chung Ah Zung Tangka Tam Tuk A Fir i, Champhai Police He An Buai.

2021 May 17 || Thla (7) chung ah Champhai Cozah Office dangdang voi(10)tiang a bauhtu lak ah an hruaitu bik a simi pa cu tuni 2:30Am ah khan Mizoram Police nih an tlaih khawh cang tiah theih a si . Amah hi kawlram Khawmawi khuami a si i a min cu Vanlalbika ka si tiah ai chim.Hi pa nih hin nizan ah khan District Agriculture Office,Champhai khua cozah zung pakhat a boh than i Iron Chest a fir.

Cu hnu ah kawlram cycle 125 bike in a phurh i zinglei 2:30Am ah New Champhai ah police nih an rak tlaihmi a si .A fir i a zampi mi Iron Chest ah hin India phaisa Rs.4,64,950 a um i Champhai police nih cun an hmuh dih than i an chuh dih than ti a si .Champhai police pawl chim ning ah cun hipa nih hin nikum October 19 ah khan Champhai ,District Agriculture Office a rak boh cng i phaisa Rs.5,50000 a rak fir cang.

Cuhnu zong ah cun nikum october thlathok in nizan tiang ah hin Champhai khua cozah zung 10 hrawng hi a boh cang tiah an chim fawn.Hipa nih hin District Agriculture Office lawng silo in Revenue Office, DRDA Office (voi 2), District Court, P&E office, DLAO Office, BDO Office le Govt Champhai College zong a rak boh cang tiah theih a si fawn.

Hipa nih hin voitampi Champhai cozah inn a rak boh cang nain fiang tein an theihkhawh rihlo caah an tlai lo i police nih cun biatak tein hlathlai nak an tuah pin ah ralring tein an rak bawh ve cang.Sunday zan sml 10:00Pm hrawng ah khan Champhai Agriculture office boh than ding cun timhlamhnak a ngei i kawlram khawmawi khua in a rak chuak than.

Cuticun Champhai police pawl nih cun ralring tuk in an rak bawh cang caah an tlaihkhawh cang .Champhai cozah zung a boh i a firmi phaisa a zate in tuak ah cun India Rs.14,31,400 a si i kawlram phaisa in tuak ah cun ting (300) tluk a si . Hipa hi District dang zong ah phaisa afir ruang ah voi 4 tiang thonginn chung ah rak khumh cangmi a si tiah theih a si fawn.

Credit :Mizo Special Report

Be the first to comment

Leave a Reply

Your email address will not be published.


*