Kawl Uico Hna Sual Ning Hi A Zual Tuk Ko Cang, UN special Envoy On Myanmar An Pawm Lo Nak Ca Thanh An Chuah Cang.

Ralkap an sual chin lengmang; UN Special envoy on Myanmar, Christine sin ah lehnak an tuah cang.Mah bantuk in kawlram chungah a thih mi an tam tuk lio ah tu tiang UN nih zeihman rian a tuan lo caah mi tampi nih UN cu thil zeimawh tuah ding in heh tiah an nawl cang.

UK zong nih UN cu kawlram kongah a rangnak in meeting tuah ding in a rak nawl caah Ninga Ni/Friday ah UN Security Council meeting tuah a si lai.Myanmar Junta nih February Ni 1 thawk in aa na hmangin uknak an lak hnuah (military Coup) ruangah UN nih dantatnak a tuah i, thawl an si zong ah poi an ti lo ning an chim.

UN Special envoy on Myanmar, Christine Schraner Burgerner nih, Ninga Ni (Friday) ah UN Security Council meeting ah briefing (Myanmar kong chimnak a ngei lai) a tuah lai.

Schraner Burgerner nih Myanmar’s Deputy Military Chief Soe Win a chawn lio ah a chim mi cu, mah bantuk in mipi sin ah thil tha lo i thahnak tiang ralkap nih an tuah cang caah UN Security Council nih Myanmar cu dantat khawh a si tiin a chim mi cu,Myanmar’s Deputy Chief Soe Win nih lehnak a tuah i, Myanmar cozah nih voih tampi dantatnak (Sanction) tuah a si cang i, natein teinak cu kan hmuh peng ko tiin a leh.

Vawlei cung ramkip nih an kan hlawt zong ah, kan hoikawm ram a si mi tlawmte he lungkhat te in rian kan tuan ti khawh ko lai tiin a chim.Western Countries, The United State, Britain, Canada and the European Union pawl nih Myanmar Junta hi zeihman tuah khawh lo in dantat an nih tim.

15 UN, Security Council pawl nih Myanmar state of emergency hi dawngter hrim an duh, Natein China le Russia nih Myanmar ram thil a cang mi kongah, Myanmar ram chung buainak a si, i thlak a hau lo tiin an chim cang. UN Special envoy on Myanmar, Schraner Burgerner nih a chim chap mi cu, mipi nih ralkap uknak an duh lo ning an langter mi cungah ralkap thil tuah ning cu mak a ti ning a chim chap.

Credit : RTK

Be the first to comment

Leave a Reply

Your email address will not be published.


*