Kawl Uico Ralhrang Hna Cu Aw..Mi An Thah Duh Siah Cun Meithal law law In Kap Hna Seh Law Aw.

Cycle Tuahin A Paw A Cawmmi Kyo Min Min A Thihnak Kong Hi Van Rel.Sagaing ramtthen, Kalay myo, Myo ta sang i, Cycle tuahin a paw a cawm mi Kyo Min Min (Kum 39) cu nizan (May 24) ni ah khan ralhrang hna nih an tleih hnuah nihin (May 25) ah an tuknak le a hliamhma hen siseh a ruak hen siseh a chungkhar hna sinah an pek hna hi a si tiah thawngtheih a si.

Kyo Min Min i a rualchan pakhat nih a chimining cun ralhrang hna nih an hrem i, asinain zeitin an hremning a si belte cu fiang in kan thei lo tiah a chim. A kutah nam in an vihnak hmape a um i, a pum vialte ah an tuknak hma a khat i, a ke tiangin an tuknak hma a um hi a si.

An tleih hnu zaanlei sang lawngah phone in an chawnh kho hi a si. Nihin zing ahcun a mithmai zong fiangin zoh ngam a si lo. Nizaan zaanah an tuk an velh hi a si ko lai tiah a chim nain fiangin thih a si lo. Kyo Min Min i, cycle a tuahnak dawr ah ralhrang hna le palik hna nih a inn cu check hlai a hau tiah May 24 ni ah khan tleih in an kalpi hi a si tiah thawngtheih a si,

Nihin May 25 ni ah ralhrang sii-inn ah a ruak lak dingah ralhrang hna nih phone in a chungkhar hna cu an pehtleih hna hnuah a ruak an laknak man ting 5 an pek hna tiah thawngtheih a si. Mah a thimi, Kyo Min Min nih a nupi le a fapa kum 5 mi pakhat, a fanu kum 2 mi pakhat cu a kal tak hna hi a si.

Be the first to comment

Leave a Reply

Your email address will not be published.


*