Kawlram Ah Nungak Tlangval Ai Chingmi Pahnih Cu Palik Pawl nih An Kaa An Va huh Hna

Kawlram palik pawl theutheu hi an rak fel i an rian an tlamtlinh kho cem ko rua tiah a thangthat ngaimi hna zong an um i a rak soiseltu zong an um len ve .Mandalay ramthen Meihtila khuapi i tili kam ah a si i hi hmun hi nungak tlangval pawl an i ching nak hmun a si i nungak tlangval caah cun a rem tuk ve nak hmun zong a si ve fawn .

Kawlram chung ah covid-19 zawtnak a karhtuk i mipi an i ralrin tuk lio zong ah hi hmun hi cu nungak tlangval a kalmi hi an tam kho peng ti a si .Curuang ah cun hi hmun hi palik pawl zong nih an va fuh i an va check fel lengmang nak hmun a si . Nikhart cu hi hmun ah hin nungak tlangval ai duhmi hna pahnih cu palik pawl nih an va duty lio can he ai tong i , palik pawl nih cun an va fuh hna i ai duhmi nan si kan theihthiam ko nain , hi hmun hin covid-19 zawtnak hi a karh thluahmah kho mi a si caah i neihtuk in thuhlah u law nan taksa zong i tongn hlah u .

Cun zeiruang ah dah mask nan i bunh lo tiah an ti hna i mask zong an va bunhter hna tiah theih a si . Palik pawl an va kal lio hi nungak tlangval hna cu an rak i pom lio bak a si tik ah an i phuhurng tuk ve i an ningzak tuk fawn . Cucacun cuka hmun um zong cu an siarem kho ve ti lo i a ran nak in an lawi zokzok .Hi hmun hi nungak tlangval lawng silo in zuri pawl le misual deuhpawl zong an um duhnak ngai hmun a si i thahnawn nak zong a um pah tawn nak a si caah palik pawl nih hin biatak deuh in an va zohfel lengmang nak a si fawn .

Nungak tlangval ai ching lio mi palik pawl nih an va fuh hna i an va chimh cawnpiak mi hna kong ah hin mipi lei in an soisel ngai hna i , a hlei in nu caah ningzak zong a si caah hi bantuk public lak ah zohchia lo in a um mi hna cu an mah covo a um ve bantuk in palik pawl nih hnahnawh pek hi a si awk a si hrim lo tiah a chim ceihmi zong an um len ve . Source : Myanmardailynews

Be the first to comment

Leave a Reply

Your email address will not be published.


*