Kawlram Buainak Kongkau I Mizoram Ah Rak Mi Hna Cu Ttha Tein Kan Zoh Hna Lai.By Zoram Thanga Chief Minister.

A Rak Zam Mi hna cu tha Te In Kan Zoh Khenh Hna Lai.Myanmar Ram Buainak Ruang Ah Mizoram Ah A Rak Zam Mi Tha Te In Kan Zoh Khenh Hna LaiMyanmar ram buainak that lei a panh rih lo caah Mizoram ah a rak zam mi hna cu a tha bik in Mizoram cozah nih kan zohkhenh hna lai tiah Mizoram Vuancichoh Pu Zoramthang nih a chim.

Ni zaan (February 24) ah tuah mi Mizoram hlawtdaw meeting ah vuancichoh nih a chimnak hi a si.Mizoram vuancichoh Pu Zoramthang nih ” kan inn pawng kan innpa a si mi Myanmar ram ah kan theih bantuk in ralkap pawl nih Democracy phunglam in thimnak tuahmi cu nawl ngeihnak an lak . Cucaah kan nih zong kan lung a rak nuam ve lo.

Kan mah nih kan duhmi cu Democracy phung le lam in daih le tluang in kal kan duh. Asinain ralkap le mipi kar ah daihnak um kho lo in le Democracy a duh mi hna kar ah hnahnawhnak a sang chin. Mah ti a si caah nun himnak caah Mizoram ah rak i dor nan duh ahcun kan si khawh tawk in Mizoram cozah nih kan in bawmh ko hna lai, tiah a chim.

Pu Zoramthang cu (MNF . Mizoram Dohthlen Tu Ralkap Part) i lubik a si. MNF dohthlennak cu 1961 ah dirh mi a si i, India cozah sinah Mizoram zalawnnak pek dingin hriam nam he ral a tho mi phun a si. 1986 ah India cozah he remdaihnak an tuah hnu ah Party in an thlen i thimnak ah a a zuam/cuh mi a si.

source : Morning post Mizo.

Be the first to comment

Leave a Reply

Your email address will not be published.