Kawlram Chungah Nikhat Voikhat Lawng Rawl Ei An Um cang

Yangon Ah Ti A Lian – Bengal tipi i thlicha a hrang ruangah a Myanmar ram chung Yangon, Ayeyarwaddy, Tanintharyi , Rakhine, Karen, Mon le Pago pawl ah ruah a itk kho tiah Myanmar nikua zohtiam pawl nih thawng an thanh. August 17 zing ahcun Yangon ramthen ah ruah a sur tuk i Yangon khawpi chung hmun cheukhat ah cun ti nih asiam hna.

Yangon ah a um mi pakhat nih Zan riantuan ka si i, zinglei sml 7 hrawngah inn ka ttin. Lampi ah ti a rak lian tuk i, lamlak ah kan tang. Duh poah in mawtaw a kal kho lo i, zinglei sml 9:30 tiang mawtaw chungah ka um rih. Ruah a it  rih a si ahcun Yangon mipi caah a har tuk cang ko lai, ruah a han asi ah cun ti lian hi azor colh ton ko nain a tu tiang ahcun lengchuah le vah a fawi rih lo i, inn niam pawl cu an buai tuk cang  tiah a chim.Yangon Shwepita i a um mi pakhat nih cun nizan in ruah a sur cang i, zan khuadei ruah a sur rih caah S.Dagon, Shwepita, HLaingtaya, Insein ,S.Okalapah le Mingala Tuanggyut pawl cu ti a lian dih cang. Inn niam pawl cu an inn tanglei ah ti a lut dih cang. Kannih kan inn zong zinglei sml; 2:30 hrawngah ti a lut dih cang. Hi bantuk cu Yangon ah kan tong bal lo tiah ati ve.

Mi cheukhat cu ti lian ko bu zongah lengchuak mi an rak um i, mawtaw arawk mi zong a rak tam cang. Mawtaw niam pawl hi ahli in an buai i, duh ning bantuk in an kal kho lo. Kan hawilom pawl he phone in kan i chawn cio hna tikah  Yangon hmun tam deuh cu ti a lian. Ruah hi peh tlai in asur rih asi ah cun hi ti hin kan tuar rih lai i, ruah a han ahcun a zia um than colh ve ko lai tiah chim.Yangon Ah Nikhat Voikhat Lawng Rawl Ei An Um cang  Yangon ramthen chungah thilri man a kai deuhdeuh i, riantuan ngei lo an tam deuhdeuh tikah inn chungkhar cheukhat pawl cu nikhat ah voikhat lawng rawl an ei cang.

Ahleice in fa cang man, chiti man le eidin man a kai tuk ruangah rian ngei lo, riantuan ding hmu lo pawl caah an I cawk kho tuk ti lo i,  nikhat ah rawl voikhat lawng ei zong an um cang. Inn chungkhar pa khat caah nikhat rawl voikhat ei ding hi thawng 10 kyats tal a hau cang fawn, I khawn cia tangka ngeilo pawl caah cun an har tuk cang ti asi.

S.Dagon ah a um mi pakhat nihcun Facang man le chiti man a kai tuk tikah kannih riantuan ngei lo caah cawk ding afoi ti lo. Cutikah rawl khim tein ei ding cu chim lo, nikhat ah khindawk khim dok loin  rawl voikhat te hi kan ei khawh men asi. Facang man niambik pikhat ah thong 2 a si i, chiti (aseta) ah thong 1, arti pumkhat ah 250 a si. Cutikah sa ei ding cu chim lo, rawl ei ding hrimhrim ah kan buai cang ko tiah achim ve.N.Okalapah i a um mi pakhat zongin Payan innsak riantuan ka si i, kan tuannak pawngah bomb a puak. Cutikah kan ttuan peh ngam ti loin kan i din. Ralhrang pawl an ra i, an chek. Cutikah duh ningin rian atuan a kho ti lo. riantuan lo ahcun tangka aluh nak a um ti lo i, khawncia ngei lo, nitin kawl cop kan si tikah kan nih pawl caah cun a foi bak ti lo, tiah a chim ve.

Hlaingtaya i khuasa m i um pakhat zong nih Lanesuai ka si i, bike in mi ka phur tawn hna. Tu ahcun datsi man a kai tuk i, tholkhat 2500 kan pek. Datsi man a kai tikah miphurh man kan keih ve tikah mipi nih an i cit duh ti lo. Cutikah datsi man hman kan hmuh lo caan a um. Cutikah Kan hmuh mi chun tein kan ei i,  cheukhat chungkhar hna cu phungki siangin ah rawl phawt  ding mi abawh mi zong an tampi cang tiah chim ve.