Kawlram In Champhai Ah A Zam Mi Kawl Police Hna Caah Phan Ding A Um Lai Maw?

Champhai Ah A Zaammi Kawlram Mi Hna Caah Thinpang A Si Ko.Myanmar ram in mizoram ah a rak zammi hna cu Myanmar Falam khua police Officer nih cun kawlram ah rak kuat kir dih hna uh tiah mizoram Champhai office sinah nawlnak ca a kuat.

Champhai ah hin Myanmar ralzam tampi an um hna i, zeizah ciah an um ti cu theih a si lo. Mizoram nih kawlram ralzam pawl hna hi Myanmar police kutah a hlanh sual bak hna a si ahcun an thi dih a si ko.Israel miphun cu Pathian nih Canaan ram a pek hna. Asinain, van in a thlak hna lo. A doh in an doh i “teinak” tu a pek hna.

Kum 59 chung, Egypt 🇪🇬 sal tang bantuk in a kan hremtu Kawl Ralkap cu, nihin Mino kut ah Pathian nih a pek cang hna. Kan doh lai i “Teinak” a kan hmuhter lai. Ram chung ah a ummi nih CDM ah an itel i, Ramleng a ummi nih Chawva in kan dirhkamh ve hna.

Ram chung ah Bochan mi upa tampi an ithup. Cozah riantuan tampi CDM ah an itel rih lo. Asinain CDM a tuah cangmi vialte hna, nan tha chia hrim hlah seh. Nebuchadnezzar siangpahrang Order cu, tlangval 3, “Shadrach, Meshach, le Abednego nih CDM in an rak doh ve ko. Minung 3 te an si ko nain Pathian nih “Teinak” cu an sin ah a chiah ko.

Ram chung lei CDM force nih ralkap thahri a chah cuahmah hna. International communities nih an paw a ttam ter cuahmah ve hna. Ram chung force le ramleng force he kan nam cang hna caah, a celh hrim hrim an celh te lai lo. An tluk a tuan le a tlai lawng a si ko cang.

Ram chung, Ramleng, CDM ah aa telmi vialte hna, Pathian duhnak nan tuah bantuk in nan laksawng a ngan taktak. Pathian nih thlawchuahnak in pe chin ko hna seh.

Be the first to comment

Leave a Reply

Your email address will not be published.