Kawlram Ralkap Kong i Asian Meeting Cu Ralkap A Ttanh Mi An Um Pah Caah Bia Chah Nak An Tuah Kho Lo.

ASEAN ah ralkap dirkamh mi an um caah Meeting an tuahmi Statement an chuak kho loh!.Ralkap nih uknak an lak hnu ah ASEAN nih avoi khatnak bik Video Conference in Meeting a tuah ve cang. Myanmar buainak kong ah ASEAN cu thla khat chung dai tein aum peng i; March 2 ah Myanmar kong he pehtlaiin Meeting an tuah ve cang.

Nain, Ralkap a dirkamhmi an um caah Statement an chuah kho loh. ASEAN ah Chairman tuan lio mi Brunei nih cathanh a chuahmi cu;” Myanmar buainak kongah ASEAN ram hna nih hnatlaknak kan tuah kho loh. Myanmar ah fak tuk in buainak a chuahnak hnga lo rak i zuam cio uh” tiin a chim.

‘Ralkap nih uknak an lakmi le Council an tuahmi hi kan cohlang kho loh” tiah Singapore nih Meeting tuahnak ah a chim. Mipi aunak le Democracy uknak hi tuah hrimhrim ding asi tiin Indonesia nih a chim ve.

ASEAN Meeting tuahnak ah ralkap nih an thimmi Myanmar Foreign Minister zong aa tel ve. Nain, Mipi thimmi Cozah aiawh in asi loh; ralkap aiawh in a kaimi asi tiin Singapore Foreign Minister nih a chim. President Win Myint le Aung San Suu Kyi telh in tlaihmi vialte thlah dingin Singapore nih a chim chap.

Credit : BBC

Be the first to comment

Leave a Reply

Your email address will not be published.


*