Kawlram Ralkap Nih Mipi Cihmih Dih Dingin Ka Thanh A Vun Chuahthan Cang,

Kawlram Ralkap Nih Miphun Cihmih Thahnawnnak Lai A Nawng Tiah American Nih cun thawng A Thanh Cang Lai Kum 2017 ah khan Kawlram ralkap nih Ruhingja miphun cungah a tuahmi sualnak cu miphun cihmih dih ding in thahnawnnak a si tiah nihin ah a thanh cang lai tiah theih a si.

March 21 ah Washington D.C ah a ummi miphun cihmih dih ding in  thahnawnnak hmanthlak an chiahnak hmunah nihin ah an tuah dingmi thil sining fianternak ah American ramdang vuanci nih a thanh lai tiah Ractor thawngzamhnak nih a van  langhter.

Miphun cihmih dihding in  thahnawnnak sualnak a tuah tiin thanhnak an tuah dingmi nih hin Kawlram ralkap nih pehzulh in an tuah nakhnga lo bawmtu a si lai tiah American ramdang pehtlaihnak zung i tuanvo ngeitu pakhat nih a chim.

Ruhingja kongah biatak tein a cawlcanghtu Jef Markley zong nih President Biden cozah nih a tuahmi thil  hi kan nih zong nih kan cohlang tiah cathanh an van  chuah colh.Britain hrambunh Kawlram Ruhingja phu chiarman U Htun Khin zong nih American cozah nih a tuahmi hi kan cohlang tiah a chim ve.

Crd: Deltanewsagency

Hringtu nu le pa nih fa le zeitluk in dah an kan dawtnak kong a thei rih lo mi le a relrih lo mi na si ah cun rakrel vehrim

Thailand ram ah pafa hna pahnih cu restaurant ah an kal. Hringtu a pa nih a ngeihmi dihlak te i put in a fanu brithday lawmhpi nak dingah Restaurant pakhat ah a kalpi.A pa ruahmi cu ka fanu hi kum 13 a si i a tung khan an tah tikah free in a lut kho lai tiah a ruah, mi pakhat ca lawng phaisa aa ken.

Rawl einak hmun an phak tikah a fanu te cu a tungkhan an tah i ri khiahmi a lonh ai. Upa zah liam ding si cang.Cu tikah, hringtu a pa nih a fanu cu a auh i mi um lonak a kenki ah a kalpi.Ka fanu phaisa hi kan pahnih za ka ken lo caah nang tu va ei law leng in kan hngah lai a ti.

A fanu te nih,ka pa, nangmah tel loin keimah lawng ei cu dawr dang ah kal u sih,” tiah a ti.Cu ti an pafa bia an i ruah cu dawr ngei nih a theih hna, an pafa in a auh hna i a lak tein rawl einak ah a luh ter hna.

A lak te in rawl an dangh hna lengah birthday cake zong a fanu te cu dawr ngei nih an cawkpiak i sunglawi tein a birthday an tuah piak.

Hirngtu a pa cu a mitthli a tla. A chimmi cu ka fanu, na nu kha rak um sehlaw mu… aa nuam tuk hnga, a ti.A ruang cu hringtu a nu nih a thih taak hna i anmah pafa te lawng khua an sa.Hi pafa hna kong hi atu lio Thailand ram social media ah a linsa ngaimi si.