Kawlram Tangka Ting 15 in Ting 20 Karlak Nan Hlawh Lai Tiah Atu Company  Chungin Rian Chua Mi Hna

Myawaddy ah aum mi Tuluk company pakhat ah rian alut mi pakhat nih amah i asining le ahmuh ton cu mi midang nih ton aduh ve lo caah atu bantuk in alanghter. Rian alut ka ah hinEng 4 Skill le computer na thiam ah cun Thai tangka Bat 27000 an kan ti caah hi rian ah hin tangka mit thih in kan lut.

Rian I kan lut kaa ah hin Quarantine ni 12 an kan chiat i Quarantine kan lut kaa ah agreement (hnatlak nak ca) an kan ti i misen nan thut aherh an kan ti i min an kan thut ter asi nain cu catlak ah cun zeidah an tial timi kan theih lo zeihmanh theih lo in mi cun kan thut. Quarantine in kan chuah hnu ah zawtnak kan ngeih le ngeih lo an kan check hnu ah angei lo mi lawng rian lut ter ding an kan ti.

Rian an kan thawk ter kaa ah cun online game asi lai an kan ti nain, atak tak ah cun asi lo, Whatapp in mihlen ti arak si. Rian kan luh le cangka in IG acct an kan onter i kan on dih hnu ah nungak note hmnathlak an kankawl ter. Cun kan theih lo mi hmanthlak an kan hman ter i midang an kan hlen ter hna. Acct kan on hnu ni 3 ah mihlen ding minung kan kawlhna.

Cu hnu ah nikhat chung ah minung 5 an kan kawlter, minung pa 5 kan hmuh khawh lo asi ahcun OT an kan tuan ter than nan hmuh hna hlan lo nan kawl lai an kan ti. cun minung kan hmuh hna asi ah cun tangka hmuh khawh dingin hlenkhawh an kan ti than. Nan hlen khawh hna lo asi ah cun an hlawh chung in kan I cut hna lai tiah an kan ti.

Cun riantuan can hi zan 11 in zinglei chun 11 tiang asi sml 2 chung dinh can an kan pek, rian ah hin November ah khan ka lut i ka tuan in Ni 26 hnu ah zei hmanh chim loin rian in an ka chuah. Ruang ngei loin Rian in an ka chuah lawng si loin, Thai tangka 10000 na liam lai an ka ti, cu an ka halmi tangka ka pek hna lo asi ah cun aleng ah chuah nak nawl kan pe lai lo i inn chung ah kan in erh khumh lai tiah an ka ti.

Rian in chuah mi hi keimah lawng karak si lo. Keimah telh in nu he pa he minung 18 hi rian chuah kan rak si an mah zong cu keimah bantukin an rak ti ve hna. Cu tikah theih hngal mi nu pakhat cu athli tein phone ka chonh i, a mah nih cu hriamtlai phu khat i an hruaitu pakhat sinah an kan chimh piak hna I an mah nih cun an kan bawmh chanh i an kan chuah khawh. Cu caah ka bawmtu kahawi nu le akan chanhchuah tu hriamtlai phu hna nan cunah kaa lawm tuk tiah ati. Atu bantuk in kan luat hi cu Taluk Hell ram chung in kan chuak tiah kan I ruah ve tiah langhter chih. Source Hsipaw Update News