Kawram Internet Phih Nak Kongah Tuluk Nih A Bawmh.

Kawl ralkap nih Myanmar ram pumpi cozah nawlneihnak an lak hnu ah Communist Party kut chung ah a ummi China le Myanmar ralkap hi pehtlaihnak fek an ngeih ning a lang chin lengmang.Zaan tim ah China vanlong cu Myanmar ram ah an lut tthup hna ti cu myanmar mipi zate theih a si. A tu zong ah vawleicung huap pehtlaihnak a simi internet kong he pehtlai in phihkhamnak tuah dingin China cozah nih kawl ralkap pawl a bawmh tiah thawngpang a chuak.

Hi kong he pehtlai in Representative Council of the Lingnan University Students’ Union i Chairman a ttuan liomi Nathan Law nihcun “Mipi zalennak hrawktu ralkap cozah nih internet phihkhamnak a tuahnak Chinese Communisty Party nih a bawmh hna tiah thawng kan dong” tiin Twitter ah a ttial.China cozah nih hin a ram chung ah Internet phihkhamnak biatak tein a tuah i a ramchung hmun cheukhat ah hman ngah loin a phihmi website pawl cu a tanglei hna hi an si(HongKong le Macau tello in).

Google, Facebook, Wikipedia, Netflix, Blogspot, Instagram, Twitter, Twitch, Pornhub, Tumblr, Imgur, Dailymotion, BBC (ṭhenkhat), quora, Vimeo, The Guardian, Daily Mail, MailOnline, Breitbart News, Flickr, HuffPost, DuckDuckGo, Wall Street Journal, Reuters, Jehovah`s Witnesses website, NBC News, TIME, CBC, ABC, Apple Daily, Viber, NordVPN, The Economist, ExpressVPN, Voice of America, NBC, RFA, Al Jazeera English, Human Rights Watch …. tbk (kan theih khawh deuh mi lawng kan van tarlangh. A dang tampi a um rih. (List of websites blocked in mainland China) ti zong in google ah kawl law na hmuh tthup ko lai.

Kawl ralkap nih tawlrel cuahmah mi Cyber Security Law a nun chuah thai ahcun Myanmar ram zong ah mipi nih hman bikmi social media website (Facebook, Twitter, Instagram tbk) le thawngpang laknak website tampi cu ramchung ah hman khawh lo dingin a phih lai tiah zumh a si cang.

Be the first to comment

Leave a Reply

Your email address will not be published.


*