Kha Maw Zei Dah Cang : Kawl Ralkap Hriamnam Chiah Nak Cu,Mipi Sa Duh Thah Nak Bang In,Mei Nih A Kangh Thluahmah Cang.

Kawl ralkap nih Bago ramthen, Tharyawardy pengkulh ah a um mi Tatmah(66) kut taang a simi, Tatzin 35 venhim mi Ralkap hriamnam chiahnak cu faktuk in puak kehnak le mei kanghnak a chuak tiah Mizzima nih a tarlangh.Hi kong he pehtlai in Pawngkam um mi khua mi pakhat nih “Zeitin dah Mei kanghnak a chuah timi kan thei kho lo. Hriamnam an chiahnak innpi faktuk in a puak, inn a kaang cuahmah.

Kan zumhnak ahcun an mah Ralkap le Ralkap karlak thil tuah mi a si ti cu a fiang ko. A ruang cu hi bantuk hriamnam an chiahnak hmun cu mi sawhsawh, a leng lei minung nih va luh khawhnak hmun a si lo” tiah Mizzima sin ah cun a chim.Hi bantuk hi hriamnam chiahnak hmunpi cu zeitin hmanh in a leng minung va luh chuah khawh a si lo.

Ralkap chung hmanh ah a zohkhenh taktak mi le Ralbawi sang lawng nih an va hmuh khawh mi asi. Hi Puahkeh nak le Inn kanghnak ruang ah pehtlai in thil a puak mi thawngpang theih a si len rih, cu caah pawngkam a um mi khuami pawl cu thinphang le thlalau ngai in an um ko ti asi.

Credit : Mizzima

Be the first to comment

Leave a Reply

Your email address will not be published.