Khah AA Hriam Tlai Phuhna Le Chin Mi Hriamtlai Karlak Buainak Ah

Chinram Paletwa In AA Kan Ṭhawlh Piak Uh Tiah NUG Sin Cakuat. NUG le AA biaruahnak an ngeih ruangah Paletwa ram ah Ral athawh ṭhan. Innlo chuak tak in a zam mi an tam tuk cang. NLD le AA karlak kum hnih chung raldohnak cu Chinram Paletwa lawng ah asi. Nikum Rangoon Hmawbi tiang azam mi Chin mi 250 leng zong khuaram an hlum khawh rih lo.

AA bangin miphun dang ram le khua ah mah miphun thih lo ding in raltuk cu afawi tuk. Rakhine ram le Rakhine miphun umnak ah Raldoh hrial in, Chinram lawng ah, Chin mi cu an thih zong ah apawi lo, tiah Raldoh lengmang hi Chin mi lungthin a khoih tuk cang. AA hi mi ralṭha an si lo. Mi depde ansi. Mi zertiam an si. AA ruangah Chin mi a pam mi kan tam tuk cang. Kan innlo le khuaram arawp mi zong relcawk lo.

AA ruang ah Chinram Paletwa ah um ngam loin, Riaklang va asi mi Chin mi kan tam tuk cang. Pasal ṭha le Cakei asimi AA asi ahcun a miphun le a ram umnak ah khumzual in ral an doh awk asi. AA nih Chinram ah Raldoh a herhnak aum lo. AA nih khumzual kan herh lo Bantukin, AA nih thah, kawlte nih thah a har bak ko. Chin ram ah AA um aherh nak pelte hmanh aum lo.

An ka nih umnak kan ngeih lo an ti I, an lungthin nih Rakhine ram asi tiah Paletwa an ti dohnak asi caah duh poah in an lal. Anmah nih Chin mi thah an I thlichiat caah, Raldoh nak an hmang I, nem tein chin mi Thahnawn dih an kan tim. Chin mi hremh le thah hnu ah an lungdong sehlaw, Rakhine miphun tamdeuh um cang usih law, cuticun Rakhine ram si bet seh, Paletwa cu tiah Maha Biuha timi Strategic plan an ngeih bia asi. Raldohnak aum lo can ah Land mine in kan thih kan loh rih mi hi AA ruangah asi. AA nih hin CHIN mi cihmih an kan timh asi ko. Mercy Killing Methodology kha ahmang tu AA asi.

CNF / CNA cu NUG member um chun te EAO kan si. CNF le NUG Senthuhnak ah Chinram ah CNA lawng hriamtlai um seh tiah hnatlak Senthuhnak ngeih asi. CDF / CNO / CNDF cu CJDC min in CNA he pumkhat asi mi an si. NUG biakam Bantukin, Chin Ram Paletwa in AA hi chuak uh tiah rak kan chimh piak uh. Chuak fawn hnaseh, kan mah tein I chimh u nan kan ti ah cun, Raldoh nak a chuak lai, MAH le Rallokap caah thazang atlung tuk lai lo maw?

NUG President (Temporary), Acting President pa Duhla Shiwa cu PDF umnak Sakhan a va len hna, thazang a va pek hna, kan in lawmh pi tuk. Asi awk hrim asi. Atlai tuk cang. Cu ve Bantukin, Paletwa in AA chuak awk ah chimhrel ding zong ṭuanvo a ngeih chih. Responsibility lawng ngeih in Accountability ngeih lo cu asi khawh lailo. Tavuan zuu hmuh, Tavuan khan hmuh nan ti maw. AA hi Chinram in chuak uh ti cu NUG caah Accountability timi Tavuan khan hmuh asi hnga. Apennak le a sunparnak I hrawm kha Tavuan zuu hmuh asi. A inn tuarnak I hrawmh ve kha Tavuan khan hmuh asi.

Amay Suu nih AA le Rakhine Cihmih awk ah Raldoh ding in Rallokap a fawrh hna lio ah Chin mi VP Jessy pa nih sen a thuh ve caah chin mi cu AA nih an kan rem tilo. Chinram Paletwa in AA chuak awk ah CNF upa maw, NUG Chin Dr te maw, asilo ah Chin Politicians hna kaa in chimh ahcun AA aa kawih lai. NLD le AA doh lio can Kum (2) chung ah Chin mi nih Chinram in AA kan ṭhawlh Khawhlo.

Cucaah NUG upa Luban hna nih Chinram Paletwa in AA cu arannak chuak zawk zawk uh tiah kan chimh piak hram uh tiah caa kan kuat hna. Chuak fawn hnaseh, An chuak duh lo ahcun azizutnak le dantatnak kan tuah piak ko uh, Mipi Cozah NUG kan si ko caah.

ICNCC zong dai tein nan um awk asi lo. Chinram Paletwa in AA chuak awk ah, Live in bia chim uh, Facebook le social media ah ca thlah uh tampi relcawk loin, nan kaa I cip hlah uh cah, Mipi thimh mi nan ti hnawh chan mi cu, AA ṭhawlh nak in kan hmang piak hram uh. Ramdang in aram I bawmhnak fir le vaivuan ah I za ti hlah uh caa. Nan ngamh lo I nan kaa nih A chimh ngam lo ahcun, thanhca tal in kan chuak piak uh.

Kum khat le cheuh chung ah Chin Cozah nan serh khawh lo, Chin Charter le Chin Lakhruak policy le Phunghrampi zong nan chuak pi khawh lo. Ramdang le kaa kip in ara mi CDM, CDF, PDF, CNA bawmhnak fir in rum I timh ti hlah uh. Chin mipi nih nan sualnak vialte ngaihthiam nan si nak lai, Paletwa in AA cu kan ṭhawlh piak ko uh.

NUG nih phunghrampi athah lio ah, Kan MPs sinak in in thah chih hna hman sehlaw, Paletwa in AA nan ṭhawlh khawh ahcun Mipi nih kan in nun ter ṭhan hna lai, Tivun, ruhkhua, thahri, thisen, nunnak pek ṭhan tu cu Mipi kan si zong kan hngalh zungzal uh. Adong nak ah ICNCC member vialte nih CDFs CNF CJDC he I fonh cang uh.

Paletwa Chin Mifim Isacc Khen zong dai tein na kaa I cip ti hlah ngat. Paletwa in AA chuak awk ah Live thlah in bia chimh cang, caa tampi in kan ṭial piak. Mipi thimh mi si loin buin Mipi thimh mi MP cung ah um in nawl ngeih ti fawn hlah. ICNCC avaivuan tu si ti hlah. One man shows hi uar tuk ti hlah. CDF kha PDF ah ṭhen cheuh dih na rak I timh. CNF le NUG ṭhencheuh naa timh ṭhan. CJDC kha zei ah na rel fawn lo.

CNF / CNA kha ngakchia tuah in na tuah. Nihin tiang Chin Cozah dirh khawh lo ding in na tuah. Na duh ning lawng in Chinram hruai na duh. Anasin na si nak thlah cang. Ramdang bawmhnak in rum naa timh fawn. Na zia le na ṭial kal tak dih cang. Nu duh tuk ti hlah, Hawr duh cuai nun kal tak cang. Mifir le nu aduh nih Chinram hruai kan duh ti lo.

Hriamnam tlaih in, nunnak le thisen apek mi CDF cung ah bawiṭuan duh nak lungthin le saduhthah hi kal tak cang tuah. Chin ram in AA na ṭhawlh khawh ahcun na sual nak vialte kan in ngaihthiam lai I mipi nih kan in nun ter ṭhan lai tiah, zawnruah nak lianpi he caa kan kuat ve. Na innlo le na khuaram ahrawk cuahmah mi, na phun hawi a Thahnawn cuahmah mi

AA kong ah pelte hmanh holh ngam loin, Chin mipi cung ah bawiṭuan zungzal duhnak na hakkau nun hi Chin mi nih kan fih tuk cang, kal tak cang ko. Note: NLD party le NLD fans si nak lak ah mi hmai kan khap ti lo caah caa kan kuat hna. Theihhngalh thiam hram ko uh. CDF hmaikhah ansi ti lo.